VOV4.Bahnar - Khul te\ch mơ dro oei mơ lôh dêh char Dak Lak jang hơ doi hăm Công ty tơ gu\m bơ ngai ‘nao te\ch mơ dro Dak Lak pơm lêh roi tơ băt An^h mong jên iung jang xa rơ gei dêh char Dak Lak kơ so# 1.

An^h mong jên iung jang xa rơ gei dêh char Dak Lak kơ so# 1 (chih kơ đe\h ‘no\h DLF1) đei jên jang truh 1,9 ti hăm 15 ‘nu bơ ngai tơ mât jên jang vang tơ gop jên. Lơ\m 10 sơ năm, an^h mong jên ako\m jơ hngâm tơ gu\m ăn bơ ngai iung jang xa rơ gei; ato\k tơ iung dôm tơ drong jang; hơ to\k păng tơ guăt an^h jang rơ gei mưh iung jang xa tơ\ dêh char Dak Lak.

Lơ\m no\h, tơ gu\m ăn dôm an^h jang vă jang to\k tơm kơ dêh char păng dôm tơ drong jang pran ‘lơ\ng ke\ sơng io\k tơ drong jang đơ\ng ‘ngoăih kơ Dak Lak. Lơ\m năr roi tơ băt, An^h mong jên iung jang xa rơ gei dêh char Dak Lak kơ so# 1 roi tơ băt tơ mât jên ăn 2 tơ drong jang đei: “Pơm tinh dầu ‘long bri BMEC” păng tơ drong jang “Pơm tơ le\ch hơ to\k kơ jă [um kơ mưt, hơ năn [ôt kơ mưt EPIS”.

Dơ\ng: Tơ blơ\