VOV4.Bahnar - Buôn Ma Thuột jing tơring kơdra#m kơloăi 1 kơ dêh char Đăk Lăk, mă lei duh oei đei tơdrong rong kon tơrong pơm ‘me# ‘mach cham char. Đơ\ng tơring tơ\ ‘nguaih plei tơm noh Chư\ Êbur truh tơ\ tơring lơ\m plei tơm nhen Ea Tam, kon pơlei duh oei pu\ tơdrong ‘me# ‘mach cham char yuơ đơ\ng rong kon tơrong pơm đei. Mă anih jang kơpal păng jơnu\m pơgơ\r tơring lơ ‘măng truh xek tơlang mă lei tơdrong mă âu adoi oei [ôh lang xă.

Pơgar rong nhu\ng kơ unh hnam [ok Trần Văn Dắm tơ\ kueng kơpho# 7, phương Ea Tam, plei tơm Buôn Ma Thuột (dêh char Đăk Lăk) xă pơhlom 300 m2 hăm [ar hơdrong to\k bo\k oei rong je# 30 to\ nhu\ng yo\ng păng pơhlom 100 to\ nhu\ng xa ‘nhe\m. Đak djăh pơro đơ\ng âu ưh đei hơmet pơ ‘lơ\ng mă tuh kơtă ăh đak glung Ea Tam. ‘Nho\ng Đặng Thành Luân, bơngai erih đunh xơnăm tơ\ tơring âu pơngơ\t kơ đon hăm pơgar rong nhu\ng kơ unh hnam [ok Dắm lơ xơnăm kơ âu pơm ‘me# ‘mach cham char, pơrăm truh jơhngơ\m jăn unh hnam păng lơ unh hnam erih lơ\m tơring: "Unh hnam [ok Dắm rong nhu\ng dôm j^t xơnăm kơ âu bơih. Mă blu\ng noh rong to\ xe\t ưh đei kiơ ôh, đơ\ng ro\ng noh rong lơ hloh, noh ‘me# ‘mach cham char krưp yưp, pơrăm truh tơring kon pơlei oei xa tăp dăr. Rim ‘măng kial tơhlu noh hăp [âu ưh kơ xu\k xan, xo\ng xa, tep pơdei ‘năr dơ\ng unh hnam athei tang ‘măng gl^p, mă lei duh ưh đei da [iơ\ ôh. Roi, xơme\ch tơ\ hơbong đak tăp dăr hơdrong nhu\ng tơpăr mơ\t tơ\ hnam tôch ‘me#. Đe kon inh hơnơ\ng kơ hien pơlo\, j^ tơxoh yuơ [ơm đơ\ng tơdrong [âu mă pơgar rong nhu\ng tơhlu. Kon pơlei chă tơgop nơ\r ăn [ok Dắm lơ ‘măng mă lei xư ưh kơ mơ\ng yao. Nhôn hơpơi anih jang kơpal chă hơlen tơlang vă pă đei oei tơdrong mă âu".

Atu\m hăm ‘me# ‘mach hơyuh cham char, đak djăh ‘me# đơ\ng pơgar rong nhu\ng adoi pơm ăn đak xo\ nhă lơ\m tơring ưh gơh yua, pơrăm hăm tơmam pơtăm kơ unh hnam kon pơlei erih tăp dăr. {ok Triệu Chí Thịnh, erih hăm tơdrong jang pơtăm ‘nhot tơje# pơgar rong nhu\ng ăn tơbăt: "Đak glung xơ\ noh tôch rơgoh hlăng, đơ\ng ro\ng noh [ok Dắm pơro đak djăh đơ\ng pơgar rong nhu\ng dang ei đak glung tôch kơso\k ‘me#. Đak ‘me# tơjih hnam inh ruih ‘nhot duh ưh gơh, [ơm đak noh hăp kơdơ\l, ‘nhot noh [ơm pơrang pơrăm lôch pơgoh. ‘Meh pơtăm athei gô lai yơ [ok Dắm te\ch đ^ nhu\ng ‘mơ\i dăh mă apinh đak đơ\ng hơlu\ng đak kuay vă ruih ăn kơ ‘nhot mă gơh erih. Nhôn pơtruh nơ\r hăm anih jang găh cham char, Anih vei lăng kon pơlei plei tơm Buôn Ma Thuột athei xek tơlang mă hrôih ăn kon pơlei nhôn."

Kiơ\ kơ [ok Y Ser M'lô – Pho\ Kơdră Anih vei lăng kon pơlei phương Ea Tam, khei năr âu ki, phương đei io\k hla bar pơtruh đơ\ng kon pơlei tơroi găh pơgar rong nhu\ng kơ unh hnam [ok Dắm pơm ‘me# ‘mach cham char, pơrăm truh tơdrong erih kơ je# 70 unh hnam kon pơlei tơ\ kueng kơpho# 7 păng tơring tăp dăr. Phương hlôi ako\m khul jang năm hơlen păng phak hru\ truh 3 triu 700 rơbâu hlj, atu\m hăm noh athei tơm pơgar rong nhu\ng tơjur kơso# nhu\ng rong, hơmet pơ ‘lơ\ng thong đak djăh hăm hơlu\ng xoh biogas, bơ\ chơne\ng pơgăn vă vei xơđơ\ng rơgoh cham char...: "Lơ\m khei năr truh, nhôn pơtoi axong ‘nho\ng oh chă năm hơlen păng pơtoi tơmơ\ng nơ\r pơtruh đơ\ng kon pơlei. Mưh nhen unh hnam [ok Dắm oei pơm glăi pơkăp noh anih jang kơpal gô phak hru\ kăp hloh dơ\ng; mưh ‘nguaih kơ tơdrong ke\ jang noh gô pơkăp Anih vei lăng kon pơlei plei tơm dăh đei trong athei yông pơgar rong nhu\ng tơ\ anih nai vă vei rơgoh cham char ăn kon pơlei."

Đơ\ng ro\ng 4 khei jo# đơ\ng [ơm tơchơ\t phak hru\ đơ\ng phương Ea Tam, tơdrong ‘me# ‘mach yuơ pơgar rong nhu\ng tơ\ kueng kơpho# 7 pơm đei adoi nhen đêl xo. Tơm pơgar rong nhu\ng, [ok Trần Văn Dắm akhan, kơdih po pơm ‘me# cham char noh ăn jên phak hru\, oei tơdrong yông pơgar nhu\ng tơ\ nai, [ok duh tam mă pơm kiơ\ keh đang: "Unh hnam inh rong nhu\ng pơm ‘me# cham char noh athei kla jên phak hru\. Nhu\ng tôch tih noh ưh ke\ yông tơ\ hơdrong ‘nao ôh. Truh âu kơnh inh gô yông truh tơ\ Châu Sơn rong vă pă đei răm truh kon pơlei, vei xơđơ\ng cham char ăn unh hnam inh hloi."

Châu Sơn, tơring mă [ok Trần Văn Dắm gô vă yông ‘nhăk tơpôl nhu\ng rong noh lơ\m tơring Chư\ Êbur, plei tơm Buôn Ma Thuột, dêh char Đăk Lăk duh to\k bo\k oei [ơm ‘me# ‘mach krưp yưp, yuơ đak djăh rong kon tơrong đơ\ng kon pơlei. {ok Trần Hoài Nam, kang [o# jang găh teh, ming man, cham char tơring Chư\ Êbur ăn tơbăt: 3 xơnăm kơ âu, Anih vei lăng kon pơlei xăh hlôi tơchơ\t phak hru\ hăm jên pơhlom hăm 14 tơ ‘ngla pơgar rong kon tơrong pơm ‘me# ‘mach cham char păng pơkăl k^ pơkăp vei rơgoh cham char lơ\m tơdrong chă rong kon tơrong... Mă lei, yuơ dôm pơgar rong kon tơrong oei lơ\m tơring kon pơlei oei xa păng tam mă axong ming man anih ako\m hơmet rơm re\k đak djăh lơ\m cham char noh tơdrong ‘me# ‘mach cham char jing tơdrong tơnap kơ găn ga.

Oei [ok Nguyễn Mạnh Hà – Kơdră Anih vei lăng kon pơlei tơring Chư\ Êbur noh ăn tơbăt: tơring đei 47 pơgar rong nhu\ng ie\r, lơ\m noh lơ pơgar oei lơ\m tơring kon pơlei oei xa. Lơ pơgar rong tôch lơ đơ\ng minh [ar rơbâu to\ truh mơj^t rơbâu to\ ie\r păng kơ hre\ng to\ nhu\ng. Lơ\m dôm xơnăm kơ âu, đơ\ng tơdrong mă kon pơlei pơtruh nơ\r găh tơdrong ‘me# ‘mach cham char yuơ đơ\ng pơgar rong nhu\ng ie\r pơm đei, jơnu\m pơgơ\r tơring hlôi ako\m khul jang hơlen hơnơ\ng. Anih vei lăng kon pơlei xăh hlôi tơle\ch hơlen lơ ‘măng păng xek phak hru\ jên hăm tơm pơgar rong kon tơrong mă pơm ‘me# ‘mach cham char, atu\m hăm noh pơkăl tơm pơgar k^ pơkăp vei rơgoh cham char mă lei tơdrong pơm ‘me# ‘mach âu adoi oei [ôh hơnơ\ng.

Lan chih păng rapor