VOV4.Bahnar - Pơ ma hăm khul chih hla ar tơ roi, Kơ dră tơm vei lăng jên hu Hồ Đức Phớc ăn tơ băt, oei set hơ len, pơ ma nuh hăm anih jang kơ pal găh 1,2 kơ sô̆ jên tơ gŭm ăn anih tĕch mơ dro, hơ tŏk tơ drong jang mŭk drăm.

Lơ̆m nŏh đei kơ sô̆ jên 10 rơ bâu – 20 rơ bâu ti tơ gŭm jên kon ăn anih tĕch mơ dro. Găh noh dơ̆ng, vă tơ lĕch jên trái phiếu hai. Kiơ̆ ƀok Kơ dră Hồ Đức Phớc, hrei ‘nâu, vă tơ lĕch kơ sô̆ jên tơ gŭm, ‘nŏh athei chu tơ lĕch jên jang lơ ƀiơ̆. Mă lei ƀât mă mŭk drăm pơ tơm jang xa roi sơ đơ̆ng ƀiơ̆ păng jang tŏk roi pran ‘nŏh athei tơ jur ƀiơ̆ jên jang kơ tĕh đak.

Adrol kơ ‘nŏh, Kơ dră Anih vei lăng jên hu kơ Kuô̆k hô̆i Nguyễn Phú Cường ăn tơ băt, Khul kơ dră tĕh đak oei pơ jing tơ drong jang atŭm găh tơ iung ming dơ̆ng mŭk drăm, hăm lơ kơ sô jên tơ gŭm jang mŭk drăm vă tơ roi ăn Kuô̆k hô̆i. Kiơ̆ ƀok Nguyễn Phú Cường, dôm kơ sô̆ jên tơ gŭm, jang mŭk drăm mă Khul kơ dră tĕh đak chih pơ jing athei mă lơ vă kĕ tơ iung ming dơ̆ng mŭk drăm; trong jang athei tơ klep hăm yăn âu păng tơ drong oei đei hrei ‘nâu vă pơm hiôk hian ăn kon pơ lei, anih tĕch mơ dro đei xa yoa.

Dơ̆ng: Tơ blơ̆