VOV4.Bahnar - ‘Năr 25/3, Anĭh jang đảng dêh char Dak Lak pơ gơ̆r hop akŏm pơ tôch tơ drong jang Tơ iung pơ jing Đảng sơ năm 2020, tơ lĕch tơ drong jang tĕh đak sơ năm 2021.

Kiơ̆ tơ drong hơ len năng lơ̆m hop akŏm, sơ năm 2020, anĭh jang Đảng jơ̆p tơ ring lơ̆m dêh char Dak Lak adrin vang pơ gơ̆r đang ‘lơ̆ng hop akŏm đảng jơ̆p tơ ring vang tơ gop ăn tơ drong jơ nei atŭm kơ hop akŏm Đảng ƀô̆ dêh char ‘măng mă XVII. Lơ anĭh jang đảng đei trong jang hơ iă, rơ gei hơ nhăk tơ drong tơ chơ̆t mât lơ̆m tơ drong arih.

Tơ drong jang pơ jing khul kơ dră pơ gơ̆r tŏ sĕt bơ ngai, jang rơ gei, đei yoa hơ dai hăm tơ jur ƀiên chê̆, hơ tŏk tơ drong ‘lơ̆ng păng hơ met ming khul kăn ƀô̆ bơ ngai jang kơ tĕh đak. Sơ năm 2020, dêh char Dak Lak tơ jur 66 ‘nu kuan păng hlŏh 1.100 biên chê̆ bơ ngai jang kơ tĕh đak.

Tơ chĕng adrol sơ năm ‘nâu, dêh char Dak Lak hơ nơ̆ng tơ jur dơ̆ng 60 ‘nu kuan păng hlŏh 1.100 ƀiên chê̆ bơ ngai jang kơ tĕh đak, kiơ̆ kơ sô̆ 10% mă Tơ drong tơ chơ̆t 39/2015 đơ̆ng Anĭh tơm Chinh trĭ păng trong jang găh tơ jur păng hơ met ming khul kăn ƀô̆ bơ ngai jang kơ tĕh đak đơ̆ng Khul kơ dră chĕp kơ̆l đảng dêh char Dak Lak tơ lĕch.

Dơ̆ng: Tơ blơ̆