VOV4.Bahnar - Jang kiơ\ tơ drong jang tơm kơ te\h đak pơ jing tơ ring tơ rang ‘nao lơ\m dôm sơ năm âu ki, de#h char Dak Lak hlôi io\k đei jơ nei yak blu\ng, lơ\m no\h đei tơ drong vang tơ gop ‘lơ\ng đơ\ng đoàn viên – hơ dru\h tơ dăm.

Đơ\ng ro\ng 1 năr bơ\ jang gle\h hret, khu\l hơ dru\h tơ dăm Quảng An, xăh Ea Hồ, apu\ng Krông Năng (de#h char Dak Lak) ‘no\h ako\m tơ\ Hnam hôp pơ lei vă pơ gơ\r păh [o\ng lo\ng, hăm tơ drong vang năm lăng đơ\ng  lơ lap kon pơ lei. Mo\ H’Méc Mlô – Bí thư Đoàn xăh Ea Hồ tơ roi tơ băt, ‘nâu j^ 1 lơ\m 5 to\ cham păh [o\ng lo\ng hlôi đei pơm hăm [ê to\ng, yua đơ\ng đoàn viên hơ dru\h tơ dăm pơm lơ\m 2 sơ năm âu ki. 1,2 jăl trong lơ\m pơ lei ku\m yua đơ\ng hơ dru\h tơ dăm tơ gop jên păng pơm, kơ na tơ drong nơ năm v^h vơ\t đ^ hiôk hian. Tơ drong tơ\ tơ ring tơ rang âu hlôi jing chơt hơ iă, mă loi ‘no\h j^ lơ\m dôm năr pơ gơ\r jo\h ayo\ - tơ plo\ng kơ dâu.

 Mo\ H’Méc Mlô – Bí thư Đoàn xăh Ea Hồ, apu\ng Krông Năng, tơ roi tơ băt: “Lơ\m ‘măng ho\k hôp khu\l tơ\ hnam hôp tơ pôl ku\m tơ roi ăn kơ đoàn viên hơ dru\h tơ dăm jang liơ krao hơ vơn u\nh hnam kơ d^h vang tơ gu\m pơ jing tơ ring tơ rang ‘nao ku\m hăm xăh. Lơ\m năm 2015, 2016, Đoàn xăh ming man đei 5 to\ cham păh [o\ng lo\ng [ê to\ng ‘lơ\ng, g^t kăl no\h hăm dôm jăl trong hơ dru\h tơ năm chă tơ gop jên kơ d^h. Xăh Ea Hồ ‘no\h j^ 1 an^h kơ jo\h ayo\ tơ plo\ng kơ dâu, rim ‘măng apu\ng pơ gơ\r, xăh pơ gơ\r, jo\h ayo\ chơt hơ iă hlo\h ‘no\h j^ tôn ch^ng chêng, tơ [o#h đei tơ drong jo\h ayo\ hơ dre\ch kon kông, đơ\ng no\h pơ jing đei tơ drong chơt hơ iă, tơ drong tơ goăt 1 jơ hngơ\m đon.”  

Dôm sơ năm âu ki, đoàn viên hơ dru\h tơ dăm apu\ng Krông Năng ling lang tơ [o#h jơ hngơ\m đon iung jang hơ drol, jang tơ gu\m lơ\m tơ drong jang pơ jing tơ ring tơ rang ‘nao. Lơ\m no\h, hlôi jang kiơ\ 76 tơ drong jang hơ dru\h tơ dăm; ming man, pơm hơ met ‘lơ\ng 88 km trong nơ năm lơ\m pơ lei; pơ gơ\r lơ tơ drong jang “ Năr drâu năm ạng tơ gu\m”, “ Năr pơ\h vei lăng ‘long” năm jang pơm rơ go\h cham char, pơ tăm păng vei lăng vă je# 8 rơ bâu tơ nơm ‘long; pơm 20 to\ cham đă [o\ng lo\ng, pơm [ê to\ng 17 to\ cham păh [o\ng lo\ng, pơm ‘nao păng hơ met ming 10 hnam ‘mêm mơ nat … hăm ako\p đ^ đăng kơ so# jên hlo\h 800 triệu hlak jên.

Tơ\ xăh Hoà Hiệp, apu\ng Cư Kuin, um ai tơ ring tơ rang ‘nao tơ [o#h hơ dăh kiơ\ lơ\m rim tơ ring kon pơ lei oei, trong pơ lei. Mo\ Vũ Thị Sim – Pho\ bí thư Đoàn xăh Hòa Hiệp tơ roi tơ băt, hăm tơ drong hơ dro# ‘no\h j^ xăh đei lơ kon pơ lei kiơ\ lui păng kon pơ lei kon kông, tơ drong hơ vơn đoàn viên hơ dru\h tơ dăm tơ gu\m pơ jing tơ ring tơ rang ‘nao ku\m đei tơ drong pha ra. Gơ nang đơ\ng no\h, tru\h dang ei xăh Hoà Hiệp hlôi jang đang dôm tơ drong hơ găt tơ ring tơ rang ‘nao.

Mo\ Vũ Thị Sim, tơ roi tơ băt:“Lơ\m tơ drong jang tơm kơ te\h đak găh pơ jing tơ ring tơ rang ‘nao, khu\l hơ dru\h tơ dăm ku\m kơ chăng tơ gu\m lơ kon jên, lơ bơ ngai tơ gu\m, [o#h hơ dăh nhen lơ\m sơ năm âu ki, jang hơ dai ku\m hăm 1 hnam trưng kao đăng tơ drong jang tơ gu\m jên pơm trong nơ năm lơ\m pơ lei pơ la, cham păh [o\ng lo\ng…, mư\h io\k jang hơ dru\h tơ dăm kơ tă năm hơ drol iung jang. Tơ drong jang đơ\ng Khu\l hơ dru\h tơ dăm tôch kơ g^t kăl lơ\m tơ drong pơ jing khu\l jang ch^nh tr^ pran kơ jăp. Xăh Hòa Hiệp j^ 1 xăh hơ dro# găh tơ ring kiơ\ tơ drong lui păng bơ ngai kon kông. Ling lang đei tơ drong jang hơ dai hăm rim [ok pơ tho, rim khu\l lui vă jang hơ dai hăm Khu\l hơ dru\h tơ dăm xăh lơ\m tơ drong jang krao hơ vơn tơ goăt 1 jơ hngơ\m đon hơ dru\h tơ dăm. ‘Nao âu ki hôp hơ len lăng hơ tuch sơ năm ‘no\h Khu\l hơ dru\h tơ dăm đei io\k kơ loăi jang đang ‘lơ\ng tơ drong jang”.

Jing 1 lơ\m dôm apu\ng dơ nu\h hin kơ de#h char Dak Lak, đơ\ng ro\ng 5 sơ năm tơ le\ch jang Tơ drong jang tơm kơ te\h đak pơ jing tơ ring tơ rang ‘nao, apu\ng Krông Bông hlôi io\k đei jơ nei yak blu\ng, lơ\m no\h đei tơ drong tơ gop ‘lơ\ng đơ\ng đoàn viên hơ dru\h tơ dăm. Lơ\m apu\ng hlôi hơ vơn đei dang 55 ti hlak jên vă tơ mơ\t jên jang kơ tă ăn tơ drong jang âu. Apu\ng hlôi pơm [ê to\ng ‘lơ\ng đei 34 km trong nơ năm lơ\m tơ ring tơ rang, hơ met, pơm ming ‘lơ\ng hlo\h 120 km trong nơ năm lơ\m tơ ring păng lơ\m chu\n na, man, pơm hơ met ming 15 dơ nâu mong đak, hơ bong đak 77 km hơ bong.

Tơ roi găh dôm tơ drong jang đơ\ng hơ dru\h tơ dăm vang jang pơ jing tơ ring tơ rang ‘nao, ‘nho\ng Y Mân Niê – Pho\ Bí thư đoàn apu\ng Krông Bông, tơ roi tơ băt: “Khu\l che\p kơ\l pơ gơ\r an^h jang Đoàn apu\ng hlôi pơ gơ\r ăn kơ rim khu\l, rim xăh, thị trấn pơ gơ\r ako\m, tơ goăt 1 jơ hngơ\m đon hơ dru\h tơ dăm hăm lơ tơ drong jang pơ jing mu\k drăm dăh mă hăm dôm kâu lak [o#, gru\p, khu\l, găh lơ ako\m tơ\ rim pơ lei pơ la. Pơ gơ\r ho\k hôp chi đoàn, chi hội tơ\ pơ lei pơ la. Găh tơ drong jên ‘no\h j^ 1 [ai toán hơ nat hăm apu\ng dơ nu\h hin nhen Krông Bông. Nhôn krao hơ vơn rim bơ ngai đei jơ hngơ\m đon ‘mêm mơ nat, rim an^h jang mơ dro lơ\m păng ‘ngoăih apu\ng vă pơ jing rim tơ drong jang, dôm hnam che văn [rê, cham păh [o\ng lo\ng, trong nơ năm lơ\m tơ ring tơ rang, pơ gơ\r iung jang kôch hơ met hơ bong đak, io\k pơ du\ ako\m râm re\k ku\m nhen rim tơ drong jang nai hai”.

Jang kiơ\ tơ drong jang “ Sơ năm mơ lo#h Dak Lak vang tơ gu\m pơ jing tơ ring tơ rang ‘nao” tru\h dang ei, sơ năm mơ ‘lo#h lơ\m de#h char hlôi pơ jing đei dang 5 rơ bâu tơ drong jang hơ dru\h tơ dăm rim tơ ring, hăm tơ drong vang jang đơ\ng hlo\h 300 rơ bâu ‘nu đoàn viên hơ dru\h tơ dăm, pơ jing kơ jă pơm đei lơi hlo\h 30 ti hlak jên; pơ gơ\r kôch hơ met vă 1.000 km hơ bong đak, hơ met ming hlo\h 700 km trong nơ năm lơ\m pơ lei, lơ\m xăh… tơ gop g^t kăl pơm tơ pl^h um ai pơ lei pơ la tơ\ tơ ring tơ rang.  

Đơ\ng mă tơle\ch jang Tơdrong jang Te\h đak tơ iung pơ jing tơring tơrang ‘nao, Khu\l kơdră che\p pơgơ\r Dơno\ an^h Đoàn dêh char Dak Lăk hlôi pơro# athe\i rim an^h Đoàn tơring ato\k kơtang jang pơting d^h băl, hơvơn hơdru\h tơdăm iung jang vă ato\k tơ iung tơdrong er^h sa tơpôl, tơ iung pơ jing rim an^h jang kơ hơdru\h tơdăh păng io\k đe\i jơne\i kơ jăp. ‘Nho\ng Y Nhuân Buôn Yă- Kơdră jang lơ\m Khu\l che\p pơgơ\r Trung ương Đoàn hơdru\h tơdăm Cộng sản Hồ Chí Minh, Bí thư Đoàn dêh char Dak Lak tơroi tơbăt.

- ‘Nho\ng Y Nhuân Byă ăi, khe\i năr au ki doàn hơdru\h tơdăm lơ\m dêh char hlôi đe\i dôm tơdrong jang yă kiơ vang ato\k tơ iung tơring tơrang ‘nao ?

Nho\ng Y Nhuân Byă: 5 sơnăm au ki, rim an^h đoàn lơ\m dêh char hlôi jang io\k đe\i jơne\i kơtang, io\k jang rim tơdrong jang vă tơ iung pơ jing tơring tơrang ‘nao. An^h Đoàn dêh char hlôi pơ jing pơ pro\ trong jang ăn rim an^h đoàn apu\ng jang kiơ\ [ar an^h jang kăl tơ\ tơring Ea Tul (apu\ng }ư\ Mgar) ‘no\h 1km 500 met trong tơring păng tơring Ia Ba, apu\ng Buôn Đôn ‘no\h 2km 200 met trong, hơvơn rơbau năr jang kơ hơdru\h tơdăm vang jang. Mă [ar ‘no\h tơdrong jang Pơm hơdăh trong pơle\i pơla ‘no\h m^nh lơ\m trong tơchăr jang kơ hơdru\h tơdăm tơle\ch jang kiơ\ an^h jang kăl tơ\ apung Ea Hleo, Krông Pach păng kon jên jang hlo\h 200 tr^u hlak jên. ‘Ngoăih kơ ‘no\h, Trung ương đoàn hlôi lăng ba păng tơ iung pơ jing ăn Dak Lăk 12 tong gơng pơle\i pơla hăm kơ jă jên 1 to\ gơng đơ\ng 300 tru\h 400 tr^u hlak jên. Khu\l kơdră che\p pơgơ\r Đoàn dêh char hlôi tơle\ch jang ming man păng an^h pơchơt pơ hiơ\ ăn hơ io\h tơ\ rim hnam hop ako\m pơle\i kon kông, sơnăm au ki hlôi ming man lơ an^h. Lơ\m tơdrong er^h sa tơpôl, hre\i au hlôi pơ jao đe\i 115 pơbu\ng hnam ‘mêm mơnat păng hnam khăn kuang [rê hlôi tơgop lơ\m jang kiơ\ rim trong tơle\ch jang kơ tơring tơrang ‘nao.

- Tơdrong jang Te\h đak tơ iung pơ jing tơring tơrang ‘nao tơ\ dêh char hlôi yak tru\h sơnăm mă 2 hăm lơ an^h ‘nao. Dơno\ an^h Đoàn dêh char Dak Lăk hlôi pơtôch m^nh ‘măng pơgơ\r pơtho pơ hrăm ăn kang [o# đoàn dêh char găh tơdrong au. Lơ loh trong tơle\ch jang ăn hơdruh tơdăm dêh char găh tơ iung pơ jing tơring tơrang ‘nao lơ\m khe\i năr kơnh đe\i tơ pl^h ‘nao lơ liơ?

Nho\ng Y Nhuân Byă: Mă blu\ng hơnơ\ng ato\k kơtang pơro# pơ rôp găh bơ\ jang tơ iung pơ jing tơring tơrang ‘nao kơ hơdru\h tơdăm, mă kăl tơ\ rim tơring tơle\ch jang hơdrol găh tơ iung pơ jing tơring tơrang ‘nao kơ dêh char, kơ apu\ng . Mă [ar, tơle\ch pơ jing trong vă jang păng jang hơdoi hăm rim an^h mơdro sa tơm lơ\m dêh char vă hơvơn khu\l jang tơ iung pơ jing rim an^h jang tơring tơrang ‘nao. Mă pêng ‘no\h hơvơn jơhngơ\m đon iung jang đơ\ng jơhnơr mơlo#h io\k jang rim tơdrong jang kơ tơdrong jang hơdru\h tơdăm.

- Lơ\m chăl pơtho pơ hrăm au ki ‘no\h Dơno\ an^h Đoàn dêh char je\i hlôi tơle\ch sơnong jang kơ đoàn lơ\m pơ jing hợp tác xã. Ih tơroi mă hơdăh hlo\h dơ\ng găh tơdrong jang au lơ\m khe\i năr kơnh?

Nho\ng Y Nhuân Byă: Đoàn hlôi pơ jing đe\i Hợp tak xah cho\h jang sa hơdruh tơdăm tơ\ tơring Ea Tân, apu\ng Krông Năng hăm đe\i 30 ‘nu hơdru\h tơdăm vang jang. Khu\l kơdră Đoàn dêh char je\i pơro# athe\i rim apung pơ tru\t pơ jing rim khu\l pơ tru\t cho\h jang sa tơ\ rim tơring, [rư\ [rư\ ato\k tơ iung pơ jing hợp tác xã hơdru\h tơdăm. Kiơ\ hơp tak xah au tơgu\m ăn hơdru\h hơdăm ato\k tơ iung mu\k drăm păng ‘moi kiơ\ hơp tak xah au ‘no\h rim an^h đoàn kăl hơnơ\ng tơle\ch trong pơ pro\ kon jên jang vă hơnơ\ng tơgu\m djru hơdru\h tơdăm lơ\m atok tơ iung mu\k drăm. Đơ\ng dang e\i tru\h đ^ sơnăm gô hơnơ\ng pơ jing tru\h [ar hơp tak xah hơdru\h tơdăm.

- Tơdrong jang tơm kăl hlo\h kơ an^h Đoàn lơ\m tơ iung pơ jing tơring tơrang ‘nao ‘no\h kăl jang keh đang trong tơle\ch jang mă 18 ‘no\h tơ iung pơ jing khu\l jang ch^nh tr^ tơpôl pran kơ jăp. Trong tơle\ch jang mă Dơno\ an^h Đoàn dêh char Dak Lăk găh trong tơle\ch au lơ\m khe\i năr au kơnh ‘no\h lơ liơ?

Nho\ng Y Nhuân Byă: Tơdăh bơ\n jang kiơ\ lơ tơdrong jang bơih mă le\i tơdrong tơ iung pơ jing ch^nh tr^ mă lơ\m au ‘no\h tơ iung pơ jing an^h đoàn tơ\ tơring ư\h kơ gan pran kơtang le\i tơdrong jang kiơ\ rim trong tơle\ch jang au je\i pơm ư\h kơ ‘lơ\ng hơ iă tru\h tơdrong tơ iung pơ jing tơring tơrang ‘nao. Tơ klep hăm trong tơle\ch jang au lơ\m sơnăm au ki, Khu\l kơdră che\p pơgơ\r Đoàn hlôi pơro# păng lơ\m khe\i năr kơnh ‘măn răk ăn pơm le#h hop ako\m kơna lăng kăl tru\h trong tơle\ch jang au vă pơm lơ liơ tơ iung pơ jing khu\l Đoàn hơdru\h tơdăm ko\ng sản Hồ Chí Minh hơnơ\ng ve\i kơ jăp an^h pran kơtang. Mă hơdăh ‘no\h tơ iung pơ jing khu\l jang đoàn đơ\ng ro\ng au kơnh gơ\h hơge\i, [lep hăm trong tơle\ch jang. Mă [ar ‘no\h hơmet pơ ‘lơ\ng rim an^h Đoàn tơring iung jang mă pran kơtang hloh dơ\ng. Mă pêng ‘no\h ato\k kơtang jơhngơ\m đon bơ\ jang ‘lơ\ng kơ khu\l mơ\t đoàn, ato\k kơtang bơ\ jang pơtho, tơmơ\t bơngai mơ\t jang đoàn, tơroi tơbăt bơngai jang đoàn ‘lơ\ng ăn kơ Đảng lăng hơlen pôk tơmơ\t.

- Lei ah, bơnê kơ ih ‘nho\ng Y Nhuân Byă – Bí thư Đoàn dêh char Dak Lak!

Thuem hăm Amazưt tơ blơ\