VOV4.Bahnar - Hăm trong jang kăl “Tơ tom tơ roi tơ băt, tơ tom lang să, tơ tom tơ goăt hơ dai”, sơ năm mơ lôh Gia Lai hlôi krao hơ vơn đei lơ jên vă tơ gŭm tơ mam pơ gang păng tơ mam sa ăn rim hơ nih ăn oei hơ drô̆, rim hơ nih răp găn tang găn jĭ Covid-19 păng kon pơ lei tơ̆ tơ ring tŏk bŏk đei jĭ.

Iŏk đơ̆ng đei ƀôh ‘măng jĭ mă 4 truh dang ei, rim đoan viên, hơ druh tơ dăm dêh char Gia Lai hlôi krao hơ vơn đei hloh 9.800 kơ mĭl găn đak tơ prăh, hloh 450 rơ bâu che gom, hơ băn ao y tế, đak pơ gang ôp ti, kŭm hăm lơ tơ mam yua đei kơ jă hloh 3 ti 500 triêụ hlak jên. Tơ drong iung jang tơ gŭm đơ̆ng sơ năm mơ lôh Gia Lai lơ̆m khei ‘năr âu ki hlôi iŏk đei tơ drong tơ gŭm đơ̆ng lơ bơ ngai đei jơ hngơ̆m đon ‘mêm mơ nat vă vang tơ gŭm tang găn jĭ Covid -19.

Thuem: Tơ blơ̆