VOV4.Bahnar - Ƀlep ƀơ̆t tơ băt 110 sơ năm năr rơ neh kơ Đại tướng Võ Nguyên Giáp (25/8/1911- 25/8/2021), gơ măng hei (21/12), Thủ tướng Phạm Minh Chính kŭm hăm khŭl tang măt trung ương păng dêh char Quảng Bình hlôi năm soh nhang ƀlŏk hơ dơ̆r kơ Đại tướng tơ̆ pơ sat Đại tướng tơ̆ Vũng Chùa - Đảo Yến, xăh Quảng Đông, apŭng Quảng Trạch, dêh char Quảng Bình.

Lơ̆m jơ ƀlŏk hơ dơ̆r, Thủ tướng Phạm Minh Chính kŭm hăm rim khŭl kơ dră chĕp kơ̆l hlôi ming kơ vang pơ kao, soh nhang păng ‘măn pơ nĭt kŭp kơ̆l, tơ ƀôh jơ hngơ̆m đon kŭp yom tơ̆ hơ năp pơ hngol Đại tướng Võ Nguyên Giáp, ƀok yŏng gĭt kăl kơ hơ drĕch hơ drŭng, bơ ngai hŏk tro hơ gei hloh, tơ jê̆ kơ ƀok Kơ dră Hồ Chí Minh, bơ ngai ‘nhŏng kơ dră kơ Khŭl linh kon pơ lei Việt Nam, bơ ngai kon gơh hơ gei kơ pơ lei pơ la Quảng Bình păng vang ƀlŏk hơ dơ̆r kŏng jang tih tên đơ̆ng Đại tướng hăm tơ drong jang kach mang ang hơ dăh kơ Đảng păng hơ drĕch hơ drŭng bơ̆n.

Thuem: Tơ blơ̆