VOV4.Bahnar - Pơ gê ‘năr 24/8, Anih pơ gơ̆r Hop akŏm Khoa học kơ teh đak Tơ băt 110 sơ năm Năr rơ neh kơ nhap ƀok Đại tướng Võ Nguyên Giáp hlôi năm soh nhang, hơ pong tơ̆ pơ sat nhap ƀok Đại tướng Võ Nguyên Giáp tơ̆ Vũng Chùa - Đảo Yến, xăh Quảng Đông, apŭng Quảng Trạch, dêh char Quảng Bình.

Hơ pong tơ̆ pơ sat nhap ƀok Đại tướng Võ Nguyên Giáp tơ̆ Vũng Chùa - Đảo Yến

Lơ̆m jơ pơ gơ̆r tơ păt, rim bơ ngai tang măt hlôi dan kơ vang pơ kao, soh nhang păng ‘măn 1 pơ nĭt kŭp yom tơ ƀôh jơ hngơ̆m băt bơ nê gĭt kăl kơ kŏng jang tih tên đơ̆ng nhap ƀok Đại tướng Võ Nguyên Giáp - kơ dră chĕp kơ̆l đei đe lui tih kơ Đảng, teh đak păng kon pơ lei.

Soh nhang, hơ pong tơ̆ pơ sat nhap ƀok Đại tướng Võ Nguyên Giáp tơ̆ Vũng Chùa - Đảo Yến

‘Măng âu, Anih pơ gơ̆r Hop akŏm Khoa học kơ teh đak tơ băt 110 sơ năm Năr rơ neh kơ nhap ƀok Đại tướng Võ Nguyên Giáp hlôi năm soh nhang, hơ pong kơ nhap ƀok Đại tướng tơ̆ Hnam soi kơ nhap ƀok Đại tướng Võ Nguyên Giáp tơ̆ xăh Lộc Thủy, apŭng Lệ Thủy, dêh char Quảng Bình; năm ngôi păng asong tơ mam ăn rim ŭnh hnam teh đak tơ gŭm tơ̆ dêh char Quảng Bình. Anih tơm vei lăng khŭl linh kŭm hlôi pơ jao asong phân mêm păng tơ mam chă lăng 3D găh tơ drong arih păng tơ drong jang đơ̆ng nhap ƀok Đại tướng Võ Nguyên Giáp asong ăn dêh char Quảng Bình.

Thuem: Tơ blơ̆