VOV4.Bahnar - Oei sa ‘lơ̆ng hơ iă lơ̆m chăl hle, tang găn jơnei jĭ hơbŭh, atŏk kơtang hơvơn tơmơ̆t jên jang, hơmet pơ ‘lơ̆ng chŏh jang sa, lăng ba kơ jăp jang kiơ̆ trong jang tơgŭm djru erĭh sa tơpôl ‘nŏh jing tơdrong jang kăl đei dêh char Dak Lăk hơdrn iung jang lơ̆m sơnăm 2022. Sơnăm 2021, mă đơ̆ng đei ƀơm kơnê̆ đơ̆ng jĭ hơbŭh Covid-19 pơrăm, mă lei tơdrong jang mŭk drăm-tơpôl kơ dêh char Dak Lăk hơnơ̆ng atŏk tơ iung ‘lơ̆ng: Tơdrong atŏk muk drăm hlŏh 5,1%, jang sa iŏk đei jô̆ hơtŏ 50 trĭu hlak jên lơ̆m 1 ‘nu; akŏp tĕch mơdro tơmam drăm tơ̆ tĕh đak đe iŏk đei 1 ti 100 trĭu dolar ... Sơnăm 2022, Dak Lăk hơnơ̆ng jang kiơ̆ oei sa ‘lơ̆ng hơ iă lơ̆m chăl ‘nao, tang găn kĕ jĭ hơbŭh, adoi atŏk kơtang hơvơn tơmơ̆t jên jang, hơmet pơ ‘lơ̆ng chŏh jang sa, atŏk kơtang vei lăng groi tĕh ... Hăm rim tơdrong vă jang kăl, dêh char akŏm hơmet pơ ‘lơ̆ng rim tơdrong tơnap tap, tơhlăk tơhlĭn, mă kăl ‘nŏh iŏk tơvih tĕh kơ yuơ ‘nau jing mĭnh lơ̆m dôm tơdrong tơhlăk kơtang lơ̆m khei năr au ki.

Tơblơ̆ nơ̆r: Amazưt