VOV4.Bahnar - Lơ̆m pơgơ̆r hop akŏm mă 2, Kuôk hôi jăl 15, pơgê au, năr 21/10, Kuô̆k hô̆i pơma dơnŭh tơ̆ khŭl tơroi tơbăt bơ̆ jang tang găn jĭ Covid-19 păng tơdrong jang kiơ̆ Tơdrong tơchơ̆t 30 sơnăm 2021 găh ‘măng hop akŏm mă blŭng, Kuô̆k hô̆i jăl XV. Lơ kơdră tang măt drơ̆ng mĭnh nơ̆r hăm rim trong kăl jang kiơ̆, trong tơlĕch jang, trong jang tang găn Covid lơ̆m khei năr kơnh, lơ̆m au kăl lăng kơ jăp tang găn jĭ Covid ‘lơ̆ng hơ iă vă vei lăng sơđơ̆ng tơdrong erĭh sa tơpôl. Khŭl kơdră tĕh đak tơlĕch ăn mĭnh ƀar tơdrong jang kăl, lơ̆m au akŏm jang kiơ̆ ‘lơ̆ng hơ iă, keh kong trong pơkăp jang mĭnh păh tang găn jĭ Covid-19, mĭnh păh hơmet pơ ‘lơ̆ng, atŏk tơ iung mŭk drăm-tơpôl; tơlĕch jang kiơ̆ jơnei trong jang kăl găh tang găn jĭ hơbŭh, đei hơyak ‘lơ̆ng hơ iă lơ̆m bơ̆ jang tang găn jĭ Covid-19, lăng ‘nau jing tơdrong jang kăl hlŏh kơ rim hơnĭh bơ̆ jang đơ̆ng blŭng sơnăm 2022 hloi.

Tơblơ̆ nơ̆r: Amazưt