VOV4.Bahnar - Tây Nguyên to\k bo\k lơ\m pơ yan to\, lơ te\h bri lơ\m tơ ring to\k bo\k đei hơ mơt kơ u\nh sa tôch kơ de#h, mă lei tơ drong jang tang găn u\nh sa bri ‘no\h to\k bo\k tơ [ơ\p lơ mơ mat tat. Kiơ\ ch^h jo# đơ\ng An^h jang vei lăng bri ‘long tơ ring IV (An^h vei lăng bri ‘long), Tây Nguyên đei 1,3 triệu hec tar bri oei lơ\m tơ ring đei hơ mơt đei [o#h u\nh sa bri lơ. Sơ năm 2019, lơ\m tơ ring đei [o#h dang 30 ‘măng u\nh sa bri, pơm hiong răm vă je# 200hec tar.

U|nh sa bri Tây Nguyên

Dôm khei blu\ng sơ năm ‘nâu, lơ\m tơ ring ku\m hlôi đei [o#h 1,2 ‘măng u\nh sa bri nhen tơ\ Kon Tum (6,5hec tar), Lâm Đồng (10hec tar). {ok Tô Xuân Đam, Pho\ kơ dră An^h vei lăng bri ‘long tơ ring IV tơ băt, mă đơ\ng hơ mơt u\nh sa lơ lơ\m te\h xă mă lei tơ drong jang tang găn u\nh sa bri lơ\m tơ ring to\k bo\k tơ [ơ\p lơ mơ mat tat, tôch kơ hơ nat p^t tơ păt u\nh mư\h đei [o#h u\nh sa bri. An^h jang găh bri ‘long lơ\m tơ ring to\k bo\k hơ drin bơ\ jang kiơ\ rim trong jang vă kơ chăng tơ jră mư\h đei [o#h u\nh sa bri.

Thuem: Tơ blơ\