VOV4.Bahnar - Việt Nam tĕch mơdro ka hơdang tơ̆ EU 6 khei blŭng sơnăm au iŏk đei 486 trĭu USD, tŏk 20% lơ̆m au tĕch ka hơdang dăng rôp đơ̆ng đak dơsĭ iŏk đei 154 trĭu USD, ka hơdang rong iok đei 333 trĭu USD. Tơ̆ rim tĕh đak EU hrei au jing hơnĭh tĕch mơdro ka hơdang lơ hlŏh mă 4 kơ Việt Nam, đơ̆ng rŏng Mi, Nhật Bản, Trung Quốc. Kiơ̆ đơ̆ng Khŭl pơm tơlĕch păng tĕch mơdro ka hơdang tơ̆ tĕh đak đe kơ Việt Nam (Vasesp), EU tơmơ̆t hlŏh 14% răt iŏk hơdang đơ̆ng Việt Nam, dơ̆ng mă 3 tĕch tơ̆ Mi, Nhật Bản. 6 khei blŭng sơnăm, tĕch mơdro hơdang tơ̆ tĕh đak đe đei lơ hlŏh. Lơ̆m au, hơdrô̆ hơdang jơ̆ng kok iŏk đei hloh 205 trĭu USD. Lơ̆m khŭl ka rong, ‘ngoăih ka tra, rim hơnĭh mơdro sa kơ Việt Nam jei tŏk lơ tĕch mơdro tơ̆ tĕh đak đe găh hơkĕnh, tăng pơler hăm kơ jă dang 4 trĭu USD, tŏk hlŏh 60% pơtêng hăm khei au sơnăm sơ̆.

Tơblơ̆ nơ̆r: Amazưt