VOV4.Bahnar -  Tơdrong pơgơ̆r “Têt chơt hơ iă” sơnăm 2022 gô pơgơ̆r tơ ƀơ̆p muh măt 10.000 ŭnh hnam bơngai mơ̆t lơ̆m Kŏng đoàn, kŏng nhân jang ŭnh hnam tơnap tap, ư̆h kơ đei rơvơn vă brŏk tơ̆ pơlei pơla sa Têt, tơchĕng hơlau đei pơgơ̆r đơ̆ng năr 22/1 đến 27/1/2022. ‘Nau mĭnh lơ̆m dôm tơdrong pơgơ̆r “Kŏng nhân chơt hơ iă têt atŭm hăm pơlei tơm”. Tơdrong pơgơ̆r “Têt chơt hơ ă” pơlei tơm Hồ Chí Minh sơnăm 2022 đei pơgơ̆r tơ̆ rim hơnĭh kŏng đoàn hơnĭh jang, dăh mă kŏng đoàn kơpal, gô mơ̆ng kiơ̆ tơdrong pơgơ̆r jŏh ayưŏ kơdŏ soang kơkŭh sơng puih mak, atŭm hăm vei lăng năng tông, pôk tơmam drăm ăn rim bơngai kong đoàn păng bơngai jang. Ƀlep lơ̆m jơ ‘năr au, Jơnum vei lăng Tơdrong jang pơlei tơm Hồ Chí Minh gô vei lăng năng tông ăn 1.000 ‘nu bơngai jang ŭnh hnam tơnap tap, lơ̆m 1 ‘nu sơng iŏk đei 1 trĭu hlak jên; pơgơ̆r năm ngôi hăm 12 hơnĭh jang păng vei lăng năng tông ăn 600 ‘nu bơngai jang erĭh sa tơnap tap găh rim tơdrong jang pơgang, tang găn jĭ hơbŭh, vei lăng cham char.

Tơblơ̆ nơ̆r: Amazưt