VOV4.Bahnar - Pơ gê 27/5, Anih tơm vei lăng pơ tho pơ hrăm pơ gơ̆r hôp trư̆k tuyê̆n hăm 63 dêh char, plt găh tơ drong pơ gơ̆r thi tốt nghiệp trung học phổ thông sơ năm 2021.

Anih tơm vei lăng pơ tho pơ hrăm pơ ma hơ dăh oei vă adrin pơ gơ̆r ‘lơ̆ng tơ drong thi âu, mă lei athei vei lăng sơ đơ̆ng mă ‘lơ̆ng păng pơ gơ̆r  thi mă tơ păt. Kiơ̆ Anih tơm vei lăng pơ tho pơ hrăm, hăm hŏk tro lăm 12, dang ei đei 18 ‘nu F0, 394 ‘nu F1, mă lơ ‘nŏh tơ̆ 4 dêh char Bắc Giang, Bắc Ninh, Hà Nam păng Điện Biên.

Mă lei, yoa hlôi vao kơ jăp đơ̆ng tơ drong pơ gơ̆r thi sơ năm sơ̆ kơ na Anih tơm oei ăn pơ gơ̆r thi ‘măng mă âu đĕch. Dang ei Anih tơm chih tơ lĕch lơ trong vă tơ jră hăm lơ tơ drong pha ra băl. Anih tơm vei lăng pơ tho pơ hrăm oei athei dôm tơ ring tơ lĕch trong jang mă rơ đăh vă pơ gơ̆r ‘lơ̆ng tơ drong thi lơ̆m khei ‘năr đei jĭ COVID-19.

Dơ̆ng: Tơ blơ̆