VOV4.Bahnar - Anih tơm vei lăng pơ tho pơ hrăm ăn tơ băt, jô̆ truh 11 jơ ‘năr 05/5, đei hlŏh 631 rơ bâu ‘nu hŏk tro chih măt thi tốt nghiệp trung học phổ thông, lơ̆m nŏh hŏk tro chih măt thi ƀai thi Khoa học xã hội đei tôch lơ, hăm hlŏh 53%.

Kiơ̆ kơ sô̆ chih jô̆ đơ̆ng anih vei lăng tơ drong ‘lơ̆ng, Anih tơm vei lăng pơ tho pơ hrăm, lơ̆m kơ sô̆ hlŏh 631 rơ bâu ‘nu hŏk tro chih măt thi tốt nghiệp trung học phổ thông đei hlŏh 21 rơ bâu ‘nu hŏk tro chih măt năm thi kơ dih. Tơ drong chă rơih ƀai thi ưh hơ tŏ băl ‘năi, lơ̆m nŏh hlŏh 244 rơ bâu ‘nu hŏk tro chih măt thi găh Khoa học tự nhiên, đei hlŏh 38%, hlŏh 336 rơ bâu ‘nu hŏk tro chih măt thi ƀai thi Khoa học xã hội, iŏk đei hlŏh 53%. Đei hlŏh 504 rơ bâu ‘nu hŏk tro chih măt set điêm mât hŏk, đei hlŏh 79% hŏk tro chih măt thi mât hŏk. 

Kiơ̆ tơ drong hơ găt đơ̆ng Anih tơm vei lăng jang pơ gang, đĭ ‘năr 11/5 gô jang đang tơ drong chih măt thi tốt nghiệp trung học phổ thông păng chih măt set điêm mât hŏk đăi hŏk kiơ̆ trong trư̆k tuyê̆n. Hơ drô̆ chih tơ drong ‘mĕh vă trư̆k tuyê̆n gô đei pơ dui truh 5 jơ kơ sơ̆ ‘năr 16/5. ‘Măng thi tốt nghiệp trung học phổ thông sơ năm 2021 vă pơ gơ̆r đơ̆ng ‘năr 6 truh ‘năr 09/7.

Dơ̆ng: Tơ blơ̆