VOV4.Bahnar - Thủ tướng teh đak ‘nao đei hla ar gơ̆ih kơ Bí thư Anih jang Đảng pơ lei tơm, Anih jang Đảng dêh char, Kơ dră Anih vei lăng kon pơ lei pơ lei tơm Hồ Chí Minh păng rim dêh char: Bình Dương, Đồng Nai, Long An; Kơ dră rim Anih tơm, Kơ dră anih jang hơ tŏ anih tơm, anih jang găh khŭl kơ dră teh đak; Anih pơ gơ̆r jang kơ teh đak tang găn jĭ COVID-19; Grŭp bơ̆ jang gĭt kăl kơ Khŭl kơ dră teh đak jang kiơ̆ tơ drong jang tang găn jĭ COVID-19. Lơ̆m hla ar đei chih: Iŏk xăh, phường, thị trấn ‘noh “ pơm kơ đông”, kon pơ lei ‘noh “ pơm linh” lơ̆m tang găn jĭ hơ buh vă krao hơ vơn, tơ blang hơ dăh, athei, pơ tho kon pơ lei ‘nĕ kơ lĕch đơ̆ng hnam, “ bu oei tơ̆ yơ oei tơ̆ noh”, oei hơ tăih bơ ngai hăm bơ ngai, hnam hăm hnam, xăh phường hăm xăh phường. Kon pơ lei ‘noh tơm pơ vih pơ văn, jĭ tơ ngla lơ̆m tang găn jĭ hơ buh. Tơ drong vang jang, pơm kiơ̆ tơ drong hơ găt đơ̆ng kon pơ lei pơm hơ năp jang tơ chơ̆t jơ nei lơ̆m tang găn jĭ. ‘Nâu jĭ hơ năp, jĭ tơ drong jang păng tơ drong đei yua đơ̆ng rim kon pơ lei vă vei lăng jơ hngơ̆m jăn ăn kơ dih kâu, ŭnh hnam kơ dih păng tơ pôl. Jơ nei jĭ hơ buh ‘noh jơ nei đơ̆ng kon pơ lei.

Thuem: Tơ blơ̆