VOV4.Bahnar - Tơ̆ Hà Nội ‘nao pơ gơ̆r Hop akŏm đơ̆ng khŭl kơ dră chĕp kơ̆l pơ gơ̆r teh đak păng Khŭl chĕp kơ̆l pơ gơ̆r Anih jang Trung ương Mặt trận tổ quốc Việt Nam. Pơ ma tơ̆ hop akŏm, Thủ tướng teh đak Phạm Minh Chính pơ ma hơ dăh, Mặt trận tổ quốc Việt Nam kăl jang hơ dai kơ jăp hloh hăm Khŭl kơ dră teh đak lơ̆m tơ chĕng hơ len, chih pơ keh trong jang tơ gŭm, khôi luơ̆t, pơm tơ drong hiôk vă kon pơ lei hơ tŏk tơ drong pơm tơm, vang jang đei yua lơ̆m tơ drong vei lăng teh đak, vei lăng tơ pôl.

Hop akŏm Khŭl kơ dră chĕp kơ̆l pơ gơ̆r teh đak păng khŭl chĕp kơ̆l Anih jang Trung ương Mặt trận tổ quốc Việt Nam

Khŭl kơ dră teh đak athei Mặt trận tổ quốc Việt Nam păng rim khŭl jang chĭnh trĭ - tơ pôl, Anih krao hơ vơn kon pơ lei Trung ương vang jang hơ dai hăm Khŭl kơ dră teh đak, 1 jơ hngơ̆m đon lơ̆m tơ lĕch jang lơ tơ drong jang tơm mă Hop akŏm 13 kơ Đảng hlôi tơ lĕch ăn nhen: gơh đei sơ đơ̆ng, ‘lơ̆ng, vei lăng đei yua jĭ COVID-19, tang găn răh jĭ jơ nei, tơ iung ming păng hơ tŏk tơ iung răh mŭk drăm tơ pôl, vei sơ đơ̆ng tơ drong arih sa tơ pôl păng kon pơ lei,vei sơ đơ̆ng tơ pôl jing  tơ drong jang kăl, tơm lơ̆m khei ‘năr hrei ‘nâu.

Thuem: Tơ blơ̆