VOV4.Bahnar - Pơ gê ‘năr 18/11, Thủ tướng teh đak Phạm Minh Chính hlôi pơ gơ̆r ‘măng hop akŏm Khŭl kơ dră teh đak tơ drong jang khôi luơ̆t khei 11. ‘Măng hop akŏm hlôi pơ ma dơ nuh găh 6 luơ̆t: Luơ̆t kơ jă ( hơ met ming); Luơ̆t ƀao hiêm pơ gang ( hơ met ming); Luơ̆t ƀao hiêm tơ pôl ( hơ met ming); Luơ̆t tang găn ôp jên ( hơ met ming); Luơ̆t mơ dro điên tư ( hơ met ming); Luơ̆t vei răk ( hơ met ming).

Thủ tướng Phạm Minh Chính pơ gơ̆r ‘măng hop akŏm

Dôm bơ ngai jang lơ̆m Khŭl kơ dră teh đak drơ̆ng nơ̆r găh tơ drong kăl, tơ drong tơm, tơ drong jang hơ met ming. Hơ dai hăm ‘noh rim bơ ngai tang măt kŭm tơ ƀôh ăn dôm tơ drong tam mă ‘lơ̆ng mă tơ drong jang kăl kơ chih iŏk hơ met ming. Đơ̆ng rŏng kơ mơ̆ng dôm nơ̆r tơ gop mơ ma dơ nuh, Thủ tướng teh đak Phạm Minh Chính athei, tơ drong pơ jing păng chih pơ keh khôi luơ̆t ‘moi kiơ̆ tơ drong, hơ met ming đei dôm tơ drong tam mă ‘lơ̆ng, tơ hlăk tơ hlĭn, ưh kơ ‘lơ̆ng đơ̆ng luơ̆t tơ lĕch ăn vă pơm lăp hăm dôm tơ drong ‘meh vă yan âu tơ lĕch ăn.

Thuem: Tơ blơ̆