VOV4.Bahnar - Kơ sơ\ brei 26/7, Thủ tướng Nguyễn Xuân Phúc io\k kơ chư\k jang păng iung pơ ma tơ\ hơ năp Kuo#k ho#i, kon pơ lei, bơ ngai tăh hla lơ\m te\h đak đơ\ng ro\ng kơ đei Kuo#k ho#i lui pôk pơm Thủ tướng te\h đak jăl jang 2016-2021. Pơ ma dơ\ng nơ\r pơma đơ\ng Nguyễn Trãi sơ\ "Te\h đak Đại Việt Nam bơ ngai gơ\h hơ gei ưh đei lai yơ th^u", Thủ tướng akhan, tơ drong pran ‘lơ\ng hlo\h kơ Việt Nam ‘no\h j^ khul bơ ngai jang. Hrei ‘nâu bơ ngai hơgei, đei jơ hngâm đon ‘lơ\ng kơ Việt Nam lơ\m te\h đak păng tơ\ te\h đak đe ưh đei th^u, athei pơ jing tơ drong ‘lơ\ng vă bơ ngai hơ gei vang bơ\ jang tơ iung pơ jing păng vei lăng te\h đak.  “Athei tơ le\ch jên jang mă lơ [iơ\ dơ\ng ăn tơ drong pơ tho ho\k pơ hrăm, ‘măn jên mă tơ găl vă hơ met pơ ‘lơ\ng lăm ho\k, an^h đo\k hla ar, hnam chă pơ yơ\ng; tơ re\k ‘lơ\ng [iơ\ truh tơ drong so\ng xa, yak vih vât ăn kon mon tơ\ tơ ring atăih yăih”. “Athei pơ jing tơ drong hơ to\ băl mưh ho\k pơ hrăm, bơ\ jang, to\k pơm tih vă gơ\h đei lơ bơ ngai hơ gei. Bơ\n athei pơm thoi yơ vă kon hơ ‘lơ\p bơ ngai jang chu\n mir, công nhân, bơ ngai dơ nuh gơ\h ho\k pơ hrăm, jang to\k, jo# hloi tơ drong to\k pơm kơ dră che\p kơ\l te\h đak ning mônh kơnh”, Thủ tướng pơ ma hơ dăh thoi no\h.

Thuem tơ blơ\