VOV4.Bahnar - Anih jang kơ Khul kơ dră tĕh đak ‘nao đei hla ar chih găh tơ drong athei tơ gŭm khul bơ ngai jang pơ gang tang găn jĭ Covid-19 ăn Kơ dră tơm vei lăng jang pơ gang, Kơ dră vei lăng kon pơ lei dôm dêh char, plt găh Trung ương. Kiơ̆ kơ ‘nŏh, tơ̆ hơ năp tơ drong jĭ COVID-19 oei tơ pŏh tôch hơ mơt, athei hơ tŏk hrĕnh khul bơ ngai jang tang găn jĭ, mă loi ‘nŏh jĭ đe ƀak si, điều dưỡng hơ met jĭ păh lăp, jĭ ăl ăn dôm tơ ring đei bơ ngai tơ pŏh jĭ lơ tơ̆ găh Pơ băh.

Thủ tướng Phạm Minh Chính pơ lung dôm khul jang tang găn jĭ

Thủ tướng pơ tho: Kơ dră tơm vei lăng jang pơ gang kơ chăng, bơ̆ jang mă hrĕnh hlŏh dơ̆ng lơ̆m tơ drong pơ gơ̆r pơ tâp pơ hrăm, hơ tŏk kơ sư̆k hơ met jĭ lơ̆m tĕh đak; năng kiơ̆ tơ drong ‘mĕh vă păng tơ drong kĕ jang atŭm lơ̆m tĕh đak, tơ lĕch trong pơ truh khul jang, năm tơ gŭm tơ tom ăn dôm tơ ring oei đei lơ bơ ngai tơ pŏh jĭ păng bơ ngai jĭ ăl. Kơ dră vẻi lăng kon pơ lei dôm dêh char, plt găh Trung ương pơ tho tơ ƀôh, pơ jing tơ drong ‘lơ̆ng vă dôm anih jang pơ gang tơ̆ tơ ring hơ tŏk kơ sư̆k jang, vang bơ̆ jang năm tơ gŭm kiơ̆ nơ̆r athei đơ̆ng Anih tơm vei lăng jang pơ gang.

Dơ̆ng: Tơ blơ̆