VOV4.Bahnar - Phó Thủ tướng Lê Văn Thành ‘nao kĭ tơ drong tơ chơ̆t kơ sô̆ 27 ‘năr 3/10/2021 đơ̆ng Thủ tướng tĕh đak găh tưk tơ iung dơ̆ng tơ drong jang xa tơ̆ dôm tơ ring jang kơ măy lơ̆m khei ‘năr oei tang găn jĭ COVID-19. Tơ drong tơ chơ̆t chih hơ dăh COVID-19 đei dơ̆ng tôch dêh pơm kơ nê̆ truh tơ drong jang xa, tĕch mơ dro đơ̆ng dôm anih jang, jơ hngâm pran, tơ drong arih kơ kon pơ lei.

Trung ương Đảng, Kuô̆k hô̆i, Khul kơ dră tĕh đak tơ lĕch lơ tơ drong tơ chơ̆t, nơ̆r pơ tho găh tang găn jĭ COVID-19. Hăm tơ drong vang jang tôch pơ nĕh đơ̆ng rim anih jang chinh trĭ, tơ pôl bơ ngai tĕch mơ dro păng kon pơ lei, truh dang ei jĭ dar dĕh đeo găn ƀiơ̆. Thủ tướng tĕh đak athei Kơ dră chĕp kơ̆l anih tơm, anih jang kơ pal găh Khul kơ dră tĕh đak, Kơ dră vei lăng kon pơ lei dôm dêh char, plt găh Trung ương, dôm anih jang, rim bơ ngai pơm kiơ̆ mă ‘lơ̆ng tơ drong tơ chơ̆t âu.

Dơ̆ng: Tơ blơ̆