VOV4.Bahnar - Kơ sơ\ brei, 16/3, tơ\ An^h jang kơ Khul kơ dră  te\h đak, Thủ tướng Nguyễn Xuân Phúc pơ gơ\r hop ako\m Khul kơ dră che\p kơ\l te\h đak găh dôm trong jang tang găn j^ Covid-19. Pơ ma hơ dăh ‘nâu j^ khei ‘năr “măih” vă tang găn j^ Covid-19 tơ po\h lơ\m te\h đak bơ\n, Thủ tướng ăn tơ băt, athei tơ tă mă hlo\h dơ\ng ăn rim unh hnam vă tang găn j^ tơ po\h mưh [ôh đei tơ drong krê j^ tơ po\h.

Io\k đơ\ng đei j^ truh dang ei, Khul kơ dră te\h đak adrin bơ\ jang lơ trong vă tang găn j^ đơ\ng te\h đak đe tơ mât lơ\m Việt Nam, athei găn tôch ai tơ drong ngôi ako\m lơ bơ ngai vă huei tơ po\h j^. Ku\m hăm ‘no\h hơ nơ\ng bơ\ jang ăn oei hơ dro# tơ\ hnam kiơ\ tơ drong hơ găt, ăn oei hơ dro# kiơ\ gru\p đei bơ ngai vei lăng. Lơ\m tơ drong jang ‘nâu, hơ năp jang đơ\ng dôm tơ ring ‘no\h tôch g^t kăl.

Thủ tướng athei MTTQ Việt Nam pơ gơ\r, tơ le\ch jang păng sơng io\k tơ drong tơ gu\m păng pơ jao ăn An^h tơm vei lăng jang kơ măy răt hơ met tơ mam, kơ măy kơ mo\k pơ yoa ăn jang pơ gang. Thủ tướng drơ\ng nơ\r hơ nơ\ng hơ met trong ăn oei hơ dro# tơ\ dôm kơ đông khul linh, kơ chăng hơ met tôm an^h ăn oei hơ dro# đơ\ng 5-7 j^t rơ bâu ‘nu bơ ngai.

Dơ\ng: Tơ blơ\