VOV4.Bahnar - Kơ sơ̆ ‘năr 30/9, Thủ tướng teh đak Phạm Minh Chính bơ̆ jang trực tuyến hăm Khŭl chĕp kơ̆l pơ gơ̆r Anih jang Đảng dêh char Thừa Thiên Huế găh tơ drong hơ tŏk tơ iung mŭk drăm - tơ pôl 9 khei sơ năm 2021 păng tơ drong tơ lĕch jang kiơ̆ Tơ drong tơ chơ̆t đơ̆ng Anih tơm Chĭnh trĭ găh pơ jing  păng hơ tŏk tơ iung dêh char Thừa Thiên Huế truh sơ năm 2030, lăng truh sơ năm 2045. Pơ tôch hop akŏm, Thủ tướng teh đak Phạm Minh Chính chih iŏk dêh char Thừa Thiên Huế lơ̆m tang găn jĭ Covid-19 păng hơ tŏk tơ iung mŭk drăm - tơ pôl khei ‘năr âu ki, tơ gop đei yua, gĭt kăl lơ̆m jơ nei atŭm kơ lơ̆m teh đak bơ̆n. Hơ nơ̆ng tŭn pran dăr hơ len, jang pơ keh trong jang tơ gŭm, hơ met pơ ‘lơ̆ng mơ mat tat, tơ hlăk tơ hlĭn ăn pơm tơ lĕch, tĕch mơ dro; tŭn pran hơ met ming dơ̆ng mŭk drăm tơ klep hăm tơ plih ‘nao tơ drong jang păng hơ tŏk ‘lơ̆ng jang tŏk kiơ̆ lơ̆m tơ mơ̆t yua khoa hŏk kơ măy kơ mŏk, tơ plih ‘nao hơ gei, hơ tŏk ‘lơ̆ng iŏk yua bơ̆ jang hăm tơm ‘noh jĭ hơ met ming dơ̆ng dôm tơ drong jang pơm tơ lĕch, pơ vih pơ văn vă hơ tŏk hrĕnh kơ jă lơ̆m teh đak, hơ tŏk kơ sư̆k pơ jei đơ̆ng mŭk drăm tơ klep hăm  jang kiơ̆ hrơ̆ch 1 ‘măng, đei yua dôm tơ drong hơ iă.

Thuem: Tơ blơ̆