VOV4.Bahnar - Pơ gê 19/12, Thủ tướng Phạm Minh Chính bơ̆ jang hăm kơ dră chĕp kơ̆l plt Hải Phòng găh tơ drong jang atŏk tơ iung mŭk drăm tơ pôl sơ năm 2021 păng trong vă jang, tơ drong jang atŏk tơ iung mŭk drăm tơ pôl sơ năm 2022.

Jơ bơ̆ jang đơ̆ng Thủ tướng Phạm Minh Chính tơ̆ Hải Phòng

Pơ ma pơ tôch jơ bơ̆ jang, Thủ tướng Phạm Minh Chính tơ chĕng ‘lơ̆ng, pôk pơ ư tơ drong adrin đơ̆ng dôm anih jang đảng, khul kơ dră pơ gơ̆r, khul linh, kon pơ lei plt Hải Phòng păng dôm tơ drong jơ nei gĭt kăl hlôi iŏk đei, tơ gop ‘lơ̆ng ăn tơ drong jơ nei atŭm kơ tĕh đak.

Atŭm hăm ‘nŏh, Thủ tướng oei pơ ma tơ ƀôh 10 trong jang kăl đei bơ̆ jang tơ̆ hơ năp kơnh, blŭng a, athei hlôh vao păng bơ̆ jang ‘lơ̆ng, đei yoa tơ drong Tơ chơ̆t đơ̆ng Hop akŏm mă XIII kơ Đảng, Tơ drong tơ chơ̆t 45 đơ̆ng Anih tơm Chinh trĭ, Tơ drong tơ chơ̆t 35 đơ̆ng Kuô̆k hô̆i, tơ drong tơ chơ̆t đơ̆ng Khul kơ dră tĕh đak păng Tơ drong tơ chơ̆t đơ̆ng Hop akŏm Đảng ƀô̆ plt.

Dơ̆ng: Tơ blơ̆