VOV4.Bahnar - Kơ sơ̆ ‘năr 14/9, tơ̆ anih bơ̆ jang kơ khŭl kơ dră teh đak, Thủ tướng teh đak Phạm Minh Chính hlôi đei jơ bơ̆ jang hăm Kơ dră tang măt Hàn Quốc păng 1,2 khŭl jang, bơ ngai jang mơ dro sa Hàn Quốc tơ̆ Việt Nam. Thủ tướng pơ ma hơ dăh jĭ hơ buh ‘noh jĭ tơ drong jơ̆p plei teh kơ na kăl trong gơ̆h jang jơ̆p plei teh, kăl tơ drong tơ goăt tơ goăl păng vang tơ gŭm đơ̆ng đĭ đăng rim pang vă tơ jră. Thủ tướng athei păh Hàn Quốc hơ nơ̆ng tơ gŭm Việt Nam đei vaccine lơ hloh, hrĕnh hloh hăm lơ trong jang pha ra băl, mă loi ‘noh jĭ lơ̆m khei 9, khei 10 âu păng jang hơ dai pơ jao kơ măy kơ mŏk, pơm tơ lĕch vaccine, pơ gang hơ met, tơ mam pơ gang; rim bơ ngai jang mơ dro sa Hàn Quốc hơ nơ̆ng vang tơ gŭm kŭm hăm păh Việt Nam jang kiơ̆ dôm trong jang vă jơ nei jĭ hơ buh păng đei lơ trong jang hơ gei, kơ chăng hơ drin hơ met pơ ‘lơ̆ng đei ƀơm kơ nê̆ đơ̆ng jĭ hơ buh, pơ vei tơ drong jang pơm tơ lĕch tĕch mơ dro.

Thuem: Tơ blơ̆