VOV4.Bahnar - Ƀlep ƀơ̆t ƀok Phạm Minh Chính đei Kuôk hô̆i jăl 15 pôk pơm Thủ tướng teh đak Cộng hòa xã hội chủ nghĩa Việt Nam, Thủ tướng teh đak Campuchia Samdech Techo Hun Sen hlôi gơ̆ih kơ thơ hmach chơt hơ iă. Lơ̆m kơ thơ, Thủ tướng Hun Sen chih hơ dăh; tơ drong ƀok  Phạm Minh Chính hơ nơ̆ng đei Kuôk hô̆i Việt Nam jăl 15 pôk pơm Thủ tướng teh đak Cộng hòa xã hội chủ nghĩa Việt Nam jăl jang 2021-2026 tơ ƀôh tơ drong lui ngeh ‘lơ̆ng đơ̆ng Đảng, teh đak păng kon pơ lei Việt Nam hăm tơ drong plang jơ hngơ̆m đơ̆ng Thủ tướng yua kơ 1 teh đak Việt Nam hơ nŭk hơ noa, ‘nao hăm tơ drong chĕp kơ̆l hơ gei đơ̆ng Đảng Cộng sản Việt Nam. Thủ tướng Hun Sen tơ ƀôh jơ hngơ̆m đon chơt hơ iă găh tơ drong hơ tŏk tơ iung đơ̆ng tơ drong pơ vei 2 teh đak khei ‘năr âu ki kiơ̆ tơ drong ‘mêm băl teh đak tơ jê̆ ‘lơ̆ng hơ iă, tơ goăt tơ goăl jang tơ bôl, hlôh băt dih băl păng vang đei yua, sơ kơ̆t hơ dăh ‘mĕh vă jang hơ dai kơ jăp hăm Thủ tướng Phạm Minh Chính tơ̆ hơ năp kơnh.

Thuem: Tơ blơ̆