VOV4.Bahnar - Kơsơ̆ năr 06/12/2021, Thủ tướng Tĕh đak Phạm Minh Chính hăm Thủ tướng Hà Lan Mark Rutte (Mác Rút-tơ) hlôi pơma dơnŭh păng điên thoăi găh tơdrong atŏk kơtang hlŏh dơ̆ng tơgoăt tơgoăl Jang hơdoi tôm tong Việt Nam - Hà Lan lơ̆m khei năr kơnh. Thủ tướng Tĕh đak Phạm Minh Chính hôn bơnê kơtang tơdrong tơgŭm djru đơ̆ng Khŭl kơdră tĕh đak Hà Lan păng khŭl mơdro sa Hà Lan hlôi tơgŭm kmăi kmŏk jang pơgang kơ jă kơ jên 40 ti hlak jên Việt Nam, tơgŭm Việt Nam yak hlŏh khei ‘năr tơnap tap kơ yuơ jĭ hơbŭh Covid-19 ‘măng mă 4 pơm ăn; sơkơ̆t hơdăh Việt Nam lăng kơ jăp atŏk tơ iung tơgoăt tơgoăl păng jang hơdoi tôm tong hăm Hà Lan. Thủ tướng ‘mĕh vă Hà Lan tơgŭm Việt Nam tơgoăt klŏh klĕch rim dơnŏk duk păng tơring jang kmăi kmŏk hăm châu Âu, tơgŭm atŏk kơtang tơmam drăm tĕch mơdro đơ̆ng Việt Nam lơ̆m dôm tĕh đak au; pơtrŭt kơtang bơ̆ jang mơdro sa păng tơmơ̆t jên jang ƀar tĕh đak tŏk tĕnh koăng, pran kơtang păng kơ jăp ‘lơ̆ng hlŏh dơ̆ng. Ƀar Thủ tướng hlôi drơ̆ng mĭnh nơ̆r vei kơ jăp pơma dơnŭh dĭh băl hơnơ̆ng adoi nhen rim trong jang hơdoi lơ̆m dơnŏk duk đak dơsĭ, pơtho pơhrăm, tơmang pơ hiơ̆...

Tơblơ̆ nơ̆r: Amazưt