VOV4.Bahnar - Tơ\ an^h jang kơ Khu\l kơ dră te\h đak, kơ sơ\ ‘năr 23/7, Thủ tướng Nguyễn Xuân Phúc hlôi bơ\ jang hăm kơ dră che\p kơ\l dơ nơm de#h char Dak Nông. Kiơ\ tơ roi tơ băt đơ\ng de#h char Dak Nông, 1 puăt blu\ng sơ năm ‘nâu, mu\k drăm to\k kơ de#h char đei 6,09%, dơ\ng mă 2 kơ tơ ring Tây Nguyên. M^nh puăt hơ tuch sơ năm ‘nâu, de#h char hơ drin jang kiơ\ jơ nei rim tơ drong hơ găt hơ to\k tơ iung mu\k drăm – tơ pôl hlôi tơ le\ch ăn lơ\m sơ năm 2020, hơ drin to\k đei 7,91%, tơ jur dơ nu\h hin hlo\h 3,5% păng jang đang dôm tơ drong hơ găt mu\k drăm – tơ pôl g^t kăl nai.

Lăng ‘lơ\ng de#h char hlôi hơ drin jang kiơ\ rim tơ drong jang mu\k drăm tơ pôl jăl jang 2015-2020, Thủ tướng tơ tă, jên tơ mơ\t jang te\h đak kơ de#h char ư\h kơ s^ lơ kơ na kăl kơ tơ le\ch jên đei yua vă Thủ tướng hoei pă hơ met tơ pl^h jên tơ\ rim tơ drong jang nai.

Thủ tướng athei de#h char ‘ne\ kơ pơm pơ hơi hăm COVID-19 păng hơ dai hăm hơ nơ\ng rim trong jang tang găn j^ bạch hầu tơ\ de#h char. Thủ tướng ku\m athei de#h char vei lăng ‘lơ\ng hlo\h găh te\h, vei lăng bri, hơ to\k tơ drong pe\ng yơ\p bri. Ku\m hăm ‘no\h hơ nơ\ng bơ ngơ\t tru\h tơ drong ar^h sa tơ pôl, tơ jur dơ nu\h hin, đei tơ drong jang klăih đơ\ng dơ nu\h hin kơ jăp tơ\ tơ ring; ‘ne\ kơ pơm pơ hơi hăm tơ drong vei sơ đơ\ng lơ\m tơ ring.

Thuem: Tơ blơ\