VOV4.Bahnar - Kơ sơ̆ 31/10, tơ̆ Anh, Thủ tướng Phạm Minh Chính truh akŏm, dơ̆ng lăng lêh kĭ pơ kăp, pơ jao 26 tơ drong drơ̆ng nơ̆r jang hơ doi găh lơ tơ drong đơ̆ng Việt Nam hăm dôm anih jang tơ̆ Anh. Lơ̆m kơ sô̆ 26 tơ drong drơ̆ng nơ̆r đei kĭ pơ kăp, pơ jao, đei lơ tơ drong drơ̆ng nơ̆r jang hơ doi gĭt kăl đei dôm anih tơm, anih jang kơ pal kĭ pơ kăp, sơng iŏk nhen:

Thủ tướng Phạm Minh Chính dơ̆ng lăng lêh kĭ pơ kăp

Kơ thơ jang lơ̆m tơ drong pơ chĕh Grŭp pơm tơ jur kơ chơ̆t ‘mê̆ kiơ̆ đơ̆ng hơ tŏk jên hu ăn tơ drong jang ‘long; Drơ̆ng nơ̆r jang hơ doi pơ jing Trong bơ̆ jang vă tơ guăt tơ drong pơ tho pơ hrăm Đăi hŏk đơ̆ng 2 tĕh đak; Hla ar chih tơ băt găh Hơ tŏk tơ drong jang hơ doi mưh pơ tho pơ hrăm kiơ̆ đơ̆ng pơ gơ̆r pơ ma nuh roi tơ băt tơ drong kăl păng dôm tơ drong jang gĭt kăl nai;

Drơ̆ng nơ̆r jang hơ doi pơ jing trong pơ tho pơ hrăm khul bơ ngai jang ăn Anih tơm tơ lĕch nơ̆r sơ kơ̆t tơ mât jên jang păng tơ gŭm ăn dôm Anih tĕch mơ dro ‘nao iung jang xa ăn Việt Nam; Drơ̆ng nơ̆r jang hơ doi găh kơ măy kơ mŏk vei lăng tĕh păng pơ tho bơ ngai jang đei ƀơm truh. Ƀlep ƀât ‘măng mă âu Anih jang gre păr Vietjet (Việt Nam) păng Grŭp jang Rolls-Royce (Anh) kĭ pơ kăp pơ truh kơ măy păng tơ mam kơ măy ăn gre păr tih, akŏm đĭ đăng đei kơ jă 400 triu USD.

Dơ̆ng: Tơ blơ̆