VOV4.Bahnar - Kơ sơ̆ ‘năr 27/8, lăp đơ̆ng rŏng ‘măng bơ̆ jang hăm dêh char Bình Dương, Thủ tướng hơ nơ̆ng hơ len lăng tơ drong jang tang găn jĭ tơ̆ Đồng Nai, pơ lung kon pơ lei hơ drin vang jang tang găn jĭ. Hơ nih mă blŭng Thủ tướng truh ‘noh jĭ hnam hŏk hôp xăh Thạnh Phú, apŭng Vĩnh Cửu, dêh char Đồng Nai hơ nih akŏm rim tơ mam krao hơ vơn, tơ gŭm vă asong phe sa, tơ mam sa... truh rim bơ ngai mơ mat tat lơ̆m tơ ring. Thủ tướng apĭnh jet gia pơ ma dơ nuh, pơ lung dôm bơ ngai jang tơ gŭm tŏk bŏk bơ̆ jang tơ̆ âu, hôn bơ nê jơ hngơ̆m đon tơ gŭm băl đơ̆ng kon pơ lei, ‘meh vă rim bơ ngai hơ nơ̆ng hơ drin, ư̆h kơ lê̆ lon dôm bơ ngai kăl tơ gŭm vă vang hơ dai băl jăh yak hloh jĭ hơ buh. Đang kơ ‘noh, Thủ tướng năm apĭnh jet gia, pơ lung kon pơ lei tŏk bŏk pơm kiơ̆ ưh kơ ăn yak vih vơ̆t lơ̆m 1,2 tơ ring tơ̆ apŭng Vĩnh Cửu păng pơ lei tơm Biên Hòa. Đơ̆ng rŏng kơ năm hơ len lăng, Thủ tướng hlôi đei jơ bơ̆ jang hăm kơ dră chĕp kơ̆l dêh char Đồng Nai. Tơ̆ âu Thủ tướng athei kăl akŏm ăn tơ ring, ưh kơ lê̆ kon pơ lei lĕch tơ̆ trong vă vei sơ đơ̆ng ưh kơ ăn yak vih vơ̆t mă kơ hret. Athei vei sơ đơ̆ng tơ drong arih sa tơ pôl, sơ đơ̆ng ăn kon pơ lei. Ưh kơ lê̆ kon pơ lei ưh kơ măh sŏng sa, ưh kơ măh hơ băn ao hrŭk.

Thuem: Tơ blơ̆