VOV4.Bahnar  – 'Năr brei (19/7), đơ̆ng rŏng kơ bơ̆ jang hăm plei tơm Hà Nội, Thủ tướng Phạm Minh Chính hlôi pơgơ̆r tơdrong hop akŏm kăp gĭt đơ̆ng Khul kơpal teh đak hăm Jơnŭm pơgơ̆r jang kơ Teh đak găh tang găn păng tơjră jĭ COVID-19, vă tơmơ̆ng tơroi găh pơrang jĭ, kiơ̆ đơ̆ng noh hơlen, pơkăp dôm trong jang kơtang hloh hăm tơdrong hơbuh hli đơ̆ng pơrang jĭ nhen dang ei.

Pơih blŭng ăn hop akŏm, Thủ tướng Phạm Minh Chính pơkăl dôm tơdrong pơma đam athei năm tơpăt hăm dôm tơdrong đei tơrĕk truh tơdrong jang tang găn păng tơjră pơrang jĭ dang ei noh jing: tơdrong pơgơ̆r jang, tơdrong kơhret kih luơ̆t, pơkăp lơ̆m tơdrong pơm jang; xơkơ̆t khul jang, đe thây pơgang, bơngai jang kih thuơ̆t, kơmăi kơmŏk, tơmam drăm kăl ăn kon pơlei; tơdrong vih vơ̆t chơ tơmam drăm; pơm kiơ̆ pơkăp pơyua ăn tơpôl, mă hăt noh hăm dôm bơngai hiong tơdrong jang, bơngai tơjrâ̆m tơnap tap, Tơchơ̆t 68 kăl hơmet dôm bơngai yơ? Dôm tơdrong tơhlăk tơhlĭn găh jên hu kăl xek tơlang?… Kiơ̆ đơ̆ng noh vă drơ̆ng nơ̆r păng tơlĕch dôm trong jang tơnăp hloh, ƀlep hăm tơdrong đei ƀôh hăt hot dang ei.

Lan chih păng pơre nơ̆r