VOV4.Bahnar - Gơmăng năr 23/7, Thủ tướng Tĕh đak Phạm Minh Chính hlôi pơm tơm Hop akŏm trư̆k tuyên hăm 21 dêh char, pơlei tơm găh Pơbăh păng Tơring Nam Trung bộ tŏk bŏk đei jĭ hơbŭh Covid-19 pơrăm kơtang vă hơnơ̆ng atŏk kơtang hlŏh dơ̆ng bơ̆ jang tang găn jĭ.

Thủ tướng hop akŏm trư̆k tuyên hăm 21 dêh char, pơlei tơm găh pơbăh găh tang găn jĭ hơbŭh

‘Măng hop akom vă lăng hơlen tơdrong jĭ đơ̆ng rŏng 5 năr tơlĕch jang kiơ̆ Nơ̆r athei jang kiơ̆ 16 tơ̆ 19 dêh char, pơlei tơm găh Pơbăh păng tơlĕch jang kiơ̆ kơtang Nơ̆r tơchơ̆t năr 21/7 đơ̆ng Ban Bí thư găh hơnơ̆ng atŏk kơtang bơ̆ jang tang găn jĭ Covid-19.  Thủ tướng athei rim tơring lăng kơ jăp tơdrong yan au, jang kiơ̆ rim tơdrong tơchơ̆t đơ̆ng Khŭl kơdră Tĕh đak, Thủ tướng tĕh đak, pơm kiơ̆ mă kơ jăp, mă kơtang, jơnei hlŏh dơ̆ng. Mă kăl lăng kơ jăp rim trong jang tang găn jĭ hơbŭh hrei au ‘nŏh oei jing iung jang hloi tang găn hơlau, atŏk kơtang jơhngơ̆m đon kơ chăng kơ kon pơlei kơ yuơ pơrang jĭ tơpŏh đơ̆ng bơngai au năm tơ̆ bơngai to, adoi jang kiơ̆ kơ jăp dăr lăng tơdrong jang kiơ̆ rim tơdrong tơchơ̆t ăn oei hơtăih dĭh băl păng jang kiơ̆ Nơ̆r athei jang kiơ̆ 16.

Tơblơ̆ nơ̆r: Amazưt