VOV4.Bahnar - Pơ gê 4/7, Thủ tướng Phạm Minh Chính pơ gơ̆r hôp trư̆k tuyê̆n hăm kơ dră chĕp kơ̆l dôm anih tơm, anih jang kơ pal, kơ dră chĕop kơ̆l plt Hồ Chí Minh, dêh char Bình Dương, Đồng Nai, Bình Phước, Tây Ninh, Bà Rịa – Vũng Tàu, Long An, Tiền Giang găh tơ drong tang găn jĭ Covid-19. Pơ ma pơ tôch hop akŏm Thủ tướng Phạm Minh Chính pơ tho: roi mơ mat tat athei roi tơ guăt kơ jăp 1 ƀơ̆r đon, răp mơ̆ng nơ̆r pơ ma, chih iŏk, hơ met ming pơ ‘lơ̆ng, tơ lĕch đei trong jang mă lăp hăm yăn âu tơ̆ tơ ring, anih jang.

Thủ tướng Phạm Minh Chính pơ ma pơ tôch hop akŏm

Athei băt hơ dăh, plt Tp Hồ Chính Minh, Hà nội jĭ tơ ring athei tơ gŭm dêh hlŏh găh tơ drong jang chinh trĭ, mŭk drăm tơ pôl, vei sơ đơ̆ng tĕh đak păng jing 2 tơ ring jang mŭk drăm tơm dơ nơm kơ tĕh đak. Thủ tướng akhan, tơ̆ hơ năp kơnh, tơ drong jĭ rŏ năng roi hơ mơt hlŏh dơ̆ng, athei hơ nơ̆ng bơ̆ jang kiơ̆ 2 tơ drong jang tơm, mă lei tơ dỏng kăl hlŏh jĭ khŏm tang găn jĭ kiơ̆ jơ hngâm đon “chă ƀôh hrôih, chĕng ăn tơ ring, ăn oei hơ drô̆ hrĕnh, hơ met jĭ đei yoa ‘lơ̆ng, jăh pơm sơ đơ̆ng dơ̆ng rim tơ drong”.

Dơ̆ng: Tơ blơ̆