VOV4.Bahnar - Tơ\ an^h sir io\k ngar Hà Lầm (Quảng Ninh), an^h sir io\k ngar tơ mơ\t yua kơ măy kơ mo\k ‘nao hlo\h Việt Nam, Thủ tướng Nguyễn Xuân Phúc hlôi năm ngôi ap^nh jet gia, pơ lung kang [o# ko\ng nhân păng bơ ngai jang Gru\p jang kơ măy kơ mo\k ngar – tơ mam drăm lơ\m te\h Việt Nam (TKV) [lep [ơ\t Khei Ko\ng nhân sơ năm 2020.

Pơ ma dơ nu\h, ap^nh jet gia ko\ng nhân, Thủ tướng tơ [o#h đon chhôk hơ iă [ơ\t [o#h tơ drong ar^h sa ‘lơ\ng đơ\ng ko\ng nhân jang tơ mo ngar Hà Lầm. Thủ tướng athei TKV, an^h sir io\k tơ mo ngar Hà Lầm đei dôm trong jang hơ nơ\ng hơ met ‘lơ\ng tơ drong ar^h sa ko\ng nhân jang tơ mo ngar, tơ mơ\t yua hơ gei khoa ho\k kơ măy kơ mo\k vă hơ to\k ‘lơ\ng jang đei, đơ\ng no\h hơ to\k io\k yua ăn kơ ko\ng nhân.

Athei hơ drin, kơ chăng, jang tơ năp lơ\m tơ drong jang vei lăng sơ đơ\ng tôch ai ăn kơ ko\ng nhân pơ ma atu\m păng ko\ng nhân jang tơ mo ngar pơ ma hơ dro#. Hơ nơ\ng bơ ngơ\t tru\h tơ jur ‘me# ‘mach cham char. Đei trong jang tơ gu\m hiôk [iơ\ hăm trong jang kăl te\h đak păng kon pơ lei vang jang, hơ nơ\ng ming man hnam oei ăn kơ ko\ng nhân [ơ\t hrei ‘nâu lăp đei hlo\h 20% ko\ng nhân jang tơ mo ngar đei hnam oei.

Thuem: Tơ blơ\