VOV4.Bahnar - Tơ̆ ‘măng hop akŏm Khŭl kơ dră teh đak khei 11/2021 pơ gơ̆r pơ gê ‘năr (2/12) tơ̆ anih jang kơ Khŭl kơ dră teh đak, Thủ tướng teh đak Phạm Minh Chính athei đơ̆ng khei 12 ƀet đang vắc xin jrŭm 2 ăn dôm bơ ngai đơ̆ng 18 sơ năm tơ̆ kơ pal, athei akŏm ƀet ăn hơ ioh đơ̆ng 12 sơ năm tơ̆ kơ pal vă kơ đe mon năm hŏk hơ lơ̆k dơ̆ng 1 trong ‘lơ̆ng păng đei trong tơ lĕch jang hơ dăh vă tơ lĕch jang ƀet jrŭm 3. Pơ ma pơ tôch ‘măng hop akŏm, Thủ tướng Phạm Minh Chính tơ ƀôh hơ dăh, jĭ hơ buh truh dang ei đei vei lăng ‘lơ̆ng jơ̆p lơ̆m teh đak, yak blŭng iŏk đei tơ drong hơ găt tơ lĕch ăn, pơm đei đon lui păng chhôk hơ iă ăn kon pơ lei, anih jang mơ dro sa tơ iung ming dơ̆ng mŭk drăm. Găh tơ̆ hơ năp kơnh, Thủ tướng athei rim anih tơm, anih jang, tơ ring hơ nơ̆ng băt hơ dăh, tơ dra hơ drol ‘lơ̆ng tơ drong, mă loi ‘noh jĭ găh jĭ COVID-19; hơ drin jang kiơ̆ “ pơm lăp sơ đơ̆ng, tơ tĕnh, vei lăng đei yua jĭ COVID-19” kiơ̆ Tơ drong tơ chơ̆t 128 đơ̆ng khŭl kơ dră teh đak.

Thuem: Tơ blơ̆