VOV4.Bahnar - Ăh je# đ^ [lon âu ki tơ\ plei tơm Pleiku, dêh char Gia Lai, Thủ tướng Nguyễn Xuân Phúc păng Khul kơpal kơ Jơnu\m pơgơ\r teh đak hlôi bơ\ jang hăm Jơnu\m pơgơ\r dơnơm kơ dêh char Gia Lai găh tơdrong jang mu\k drăm – tơpôl.

Lơ\m jơ bơ\ jang, Thủ tướng xơkơ\t, Gia Lai đei jơnei hơto\k mu\k drăm lơ hloh, tơmơ\t lơ\m jên mong [lep pơkăp ; tơre\k găh hơvơn axong jang. Dêh char duh hlôi tơre\k pơjing tơring pơxe\l ‘nao, ưh kơ đei gơnơm lơ\m jơhngơ\m kon pơlei hloh tơdrong păng ưh kơ đei le# hre hrông ; tơre\k truh hơto\k lơ tơring pơtăm ‘long ko\ng nghie#p ; jang tơnăp tơchơ\t tang ‘măng bri. Mă lei, Thủ tướng adoi xơkơ\t, Gia Lai duh jing dêh char jang mu\k drăm păh ai đe\ch, tam mă tơgăl hăm mu\kdrăm cham char pơxư\ ăn, tam mă đei tơmam pơm tơle\ch hăm hơnăn kơdih vă jang hadoi lơ\m kơpal teh. Dêh char đei 1,4 triu ‘nu kon pơlei mă lei đei 3.500 anih jang te\ch răt đe\ch, noh jing oei to\ xe\t dêh hnang. Tơje# hăm noh, kơxo# bơngai hin dơnuh oei lơ hloh kơ ja#p teh đak ; tơdrong joh ayo\ noh ưh kơ đei răk vei tơnăp.

Thủ tướng ră hơdăh, Gia Lai athei adrin hloh dơ\ng, trong jang hơdăh, ‘meh hơto\k tơ iung pran hloh. Găh trong jang ăn khei năr truh, Thủ tướng tơre\k hăm khul kơdră dêh char Gia Lai thoi âu: Dêh char athei adrin, trong jang athei hơdăh hloh, ‘meh hơto\k pran hloh. Oei ưh noh gô tơnap vă hơmet tơdrong oei [ôh kơ dêh char dang ei. Lơ\m noh dêh char athei ako\m lơ\m dôm xơnong jang tơjur hin dơnuh, jang kiơ\ pơkăp tơgu\m kon pơlei kon kông tơnăp hloh, kơdih chă tơle\ch jang vă keh đang tơdrong pơkăp jang ăh xơnăm 2017, pơtoi pơih xă hơgăt teh pơtăm ‘long ko\ng nghie#p, dru\t kơtang tơdrong pơtăm bri, hơmet xơđơ\ng dôm anih jang găh ‘long bri, pơjing hơnăn tơmam drăm kăp g^t.

Lan chih păng rapor