VOV4.Bahnar - Thủ tướng Nguyễn Xuân Phúc pơ gơ̆r jơ bơ̆ jang hăm kơ dră chĕp kơ̆l Anĭh jang đảng plt Hà Nội. ‘Nâu jĭ ‘măng mă 9 lơ̆m jăl jang âu Thủ tướng pơ gơ̆r bơ̆ jang, hop akŏm hăm Hà Nội vă chă mơ̆ng, pơ tho trong hơ met pơ 'lơ̆ng dôm tơ drong tơ hlăk, mơ mat tat, tơ gŭm ăn plt jang tŏk pran ƀiơ̆.

Thủ tướng Nguyễn Xuân Phúc bơ̆ jang hăm Kơ dră chĕp kơ̆l đảng plt Hà Nội

3 khei blŭng sơ năm 'nâu, plt hơ nơ̆ng bơ̆ jang 'lơ̆ng 2 tơ drong jang tơm, tang găn jĭ hăm jơ hngâm đon “tang găn jĭ nhen tơ blăh hơ yăt” hai, hơ tŏk tơ drong pơm tơ lĕch, tĕch mơ dro hai. Vă rim tơ drong hơ găt pơm tơ lĕch, tĕch mơ dro iŏk đei jơ nei lơ ƀiơ̆ kơ khei âu sơ năm sơ̆ ngăl.

Pơ ma lơ̆m jơ bơ̆ jang, Thủ tướng Nguyễn Xuân Phúc pơ ma hơ dăh, Đảng, Tĕh đak tôch tơ rĕk truh tơ drong jang tŏk kơ anih tơm, tơ drong 'nŏh tơ ƀôh hơ dăh lơ̆m khei 'năr âu ki hlôi mơ̆ng păng sek tơ lang lơ nơ̆r pơ ma apĭnh đơ̆ng Hà Nội.

Găh tơ drong jang atŏk tơ iung Hà Nội lơ̆m khei 'năr truh, Thủ tướng Nguyễn Xuân Phúc pơ ma hơ dăh hơ năp jang tơm găh mŭk drăm, chinh trĭ, jŏh ayŏ kơ dŏ xoang, tơ guăt tơ guăl hăm apŭng plenh tĕh đơ̆ng tĕh đak, Trung ương oei hue lăng tơ̆ anĭh tơm ngăl. Yoa thoi nŏh, Hà Nội athei adrin vă gơ̆h jing anĭh tơm hiôk sơ đơ̆ng, 'lơ̆ng rŏ, pran jăng găh tơ mam drăm păng jơ hngâm đon.

Dơ̆ng: Tơ blơ̆