VOV4.Bahnar - ‘Năr brei, 27-2, Thủ tướng Nguyễn Xuân Phúc truh hop ako\m tơ le\ch trong tơ mât jên jang te\ch mơ dro păng chă tơ mang lăng dêh char Tuyên Quang.

Pơ ma lơ\m hop ako\m, Thủ tướng pơ ma hơ dăh, kơ dră che\p kơ\l dêh char Tuyên Quang athei năng kăl tơ drong ăn đ^ đăng tơ pôl vang bơ\ jang, mă loi j^ sơng io\k jên tơ mât jang đơ\ng an^h jang kơ dih.

Tuyên Quang đei tơ drong hiôk ‘no\h te\h ‘lơ\ng, xă; đak jrăh jrai hăm lơ đak krong tih. Mưh trong gre kơ dâu hre\nh tơ [ưh Tuyên Quang hăm trong gre kơ dâu hre\nh Nội Bài - Lào Cai jang ke\h kơnh ‘no\h đơ\ng Tuyên Quang năm tơ\ Hà Nội lăp hiong 1 jơ 1 puăt đe\ch, tôch hiôk ăn tơ drong chơ te\ch tơ mam drăm.

Thủ tướng tơ tă Tuyên Quang athei pơ proh hơ drol mă ‘lơ\ng, jang to\k mă lei athei vei kơ jăp cham char rơ go\h ‘lơ\ng. Ku\m hăm ‘no\h hơ nơ\ng hơ met ming trong pơm hla ar vei lăng pơ yoa ăn tơ drong tơ mât jên jang, te\ch mơ dro ‘lơ\ng hlo\h.

Dơ\ng: Tơ blơ\