VOV4.Bahnar - Kơ sơ\ brei, 20/6, tơ\ Dak Lak, Thủ tướng te\h đak pơ gơ\r Hop ako\m yao [an hăm dôm dêh char Tây Nguyên găh tơ drong jang mu\k drăm tơ pôl păng vei lăng sơ đơ\ng te\h đak tơ\ tơ ring Tây Nguyên.

            Kiơ\ tơ drong tơ che\ng ‘no\h cho\h jang xa, pơ tăm bri ‘long io\k đei 80% tơ drong jang mu\k drăm tơ\ tơ ring Tây Nguyên, oei 6 khei blu\ng sơ năm ‘nâu, dôm dêh char Tây Nguyên tơ jră hăm to\ phang pơ dui đunh, pơm ăn tơ drong cho\h jang xa hiong răm truh 5.400 ti. Jên te\ch tơ mam tơ\ te\h đak đe 6 khei blu\ng sơ năm jur 3 sơ năm hơ nơ\ng hloi.

Mă lei, mu\k drăm Tây Nguyên ku\m đei lơ tơ drong ‘lơ\ng hai nhen mu\k drăm to\k truh 6%, hơ met ming tơ drong cho\h jang xa oei yak tro\ trong, ‘no\h j^ cho\h jang xa hăm kơ măy kơ mo\k ‘nao, rơih pơ tăm dôm kơ loăi tơ mam đei kơ jă măk nhen hla che, che\h phe, ‘nhot, ‘long xa plei, pơ kao.

Găh tơ drong pơ jing tơ ring tơ rang ‘nao, đơ\ng ro\ng 5 sơ năm tơ le\ch jang, lơ\m tơ ring mong ako\m đei 90.000 ti hlak jên. Tơ\ tơ ring đei 80 xăh đei dêh char k^ tơ băt jang đang tơ drong pơ jing tơ ring tơ rang ‘nao, đei 1 apu\ng ‘no\h j^ Đơn Dương kơ dêh char Lâm Đồng jang ke\h tơ drong pơ jing tơ ring tơ rang ‘nao.

Pơ ma nơ\r pơ tho lơ\m hop ako\m, Thủ tướng Nguyễn Xuân Phúc pơ ma hơ dăh, hăm Tây Nguyên, đak păng bri ‘long Tây Nguyên ‘no\h j^ tơ drong tôch g^t kăl. ‘Ngoăih kơ tơ drong vei lăng, ato\k tơ iung bri, Thủ tướng oei tơ tă ăn dôm dêh char Tây Nguyên tơ re\k truh tơ\ te\h hơ dai hăm tơ drong cho\h jang xa kơ kon pơ lei; tơ rek truh tơ drong erih xa, lui khop, tơ guăt đ^ đăng hơ dre\ch hơ drung tơ\ tơ ring.

Thủ tướng oei pơ ma hơ dăh athei đei trong tơ gu\m vă jang ato\k tơ iung Tây Nguyên, athei chih tơ le\ch đei rim trong jang lăp ‘lơ\ng vă Tây Nguyên gơ\h jang to\k. M^nh tơ drong tih nai ‘no\h j^ te\h đak bơ\n oei mât jang hơ doi lơ tơ drong hăm apu\ng plenh te\h, păng Tây Nguyên mât jang hơ doi tôch rơ đăh yoa đei lơ tơ mam te\ch tơ\ te\h đak đe. Tơ drong kăl ‘no\h sơng io\k jên jang vă kon pơ lei Tây Nguyên gơ\h to\k pơ dro\ng. Yoa thoi no\h athei đei trong pơ gơ\r jang mă ‘lơ\ng [iơ\, vă gơ\h jang pơm pơ dro\ng đơ\ng hơ găt te\h kơ dih.

Dơ\ng: Tơ blơ\