VOV4.Bahnar - ‘Năr 6/5, tơ̆ anih jang Khŭl kơ dră teh đak, Thủ tướng Phạm Minh Chính bơ̆ jang hăm Anih tơm vei lăng găh pơ tho pơ hrăm găh dôm tơ drong oei đei kăl kơ hơ met pơ ‘lơ̆ng, rim nơ̆r tơ lĕch, apĭnh đơ̆ng anih jang. Thủ tướng tơ roi dơ̆ng dôm tơ drong ‘mĕh vă kăl hrei ‘nâu lơ̆m tang găn jĭ COVID-19, ư̆h kơ gơh pơm pơ hơi, hơ dai ‘noh đĭ jơ hngơ̆m pơ ‘lơ̆ng, kơ chăng, ư̆h kơ hli tơ dăm.

Anih jang pơ tho pơ hrăm kăl kơ jang hơ dai hăm rim anih jang ƀơm truh tơ lĕch jang tơ păt, đei yua tơ drong jang tang găn jĭ, vei sơ đơ̆ng jơ hngơ̆m jăn ăn hŏk tro, sinh viên, thây kô pơ tho, hơ dai hăm ‘noh athei đei lơ trong jang vă jang đang tơ drong jang sơ năm hŏk, pơ gơ̆r jơ nei ‘măng pơ long hŏk đĭ jăl 3 kơ teh đak vă jê̆ truh. Pơ ma pơ tôch tơ̆ jơ bơ̆ jang, Thủ tướng Phạm Minh Chính pơ ma hơ dăh, kon bơ ngai ‘noh jĭ gĭt kăl hloh, đei tơ chơ̆t hăm tơ drong jang pơ jing păng hơ tŏk tơ iung teh đak, vă đei kon bơ ngai ‘ngoăih kơ tơ drong joăt joe jŏh ayŏ gĭt kăl đơ̆ng hơ drĕch hơ drŭng, đei hơ năp jang tôch kơ gĭt kăl đơ̆ng pơ tho pơ hrăm.

Thuem: Tơ blơ̆