VOV4.Bahnar - ‘Năr 13/5, Thủ tướng teh đak Phạm Minh Chính bơ̆ jang hăm pơ lei tơm Hồ Chí Minh găh tơ drong mŭk drăm tơ pôl jăl khei mă 1 sơ năm 2021 păng hơ met pơ ‘lơ̆ng 1,2 nơ̆r apĭnh đơ̆ng pơ lei tơm. ‘Nâu jĭ tơ ring mă blŭng Thủ tướng teh đak bơ̆ jang đơ̆ng rŏng kơ Khŭl kơ dră teh đak hơ met tôm bơ ngai jang, ăn ƀôh tơ drong bơ ngơ̆t gĭt kăl đơ̆ng Khŭl kơ dră teh đak hăm tơ drong hơ tŏk tơ iung pơ lei tơm Hồ Chí Minh.

Kơ dră chĕp kơ̆l Anih vei lăng kon pơ lei pơ lei tơm Hồ Chí Minh hlôi tơ lĕch, apĭnh hăm Khŭl kơ dră teh đak, Thủ tướng teh đak 5 grŭp tơ drong ‘noh: pơ jing tơ drong tơ chơ̆t ‘nao, tơ plih tơ drong tơ chơ̆t 93 đơ̆ng Khŭl kơ dră teh đak vă hơ met ming, tơ mơ̆t dơ̆ng 1,2 tơ drong tơm găh klăih song kơ chư̆k jang ăn pơ lei tơm Hồ Chí Minh; hơ met pơ ‘lơ̆ng mơ mat tat, tơ hlăk tơ hlĭn lơ̆m kơ plăh jang kiơ̆ tơ drong tơ chơ̆t kơ sô̆ 54 đơ̆ng Kuôk hô̆i; găh tơ mơ̆t jên jang, ming man kơ teh đak păh lăp khei ‘năr jăl jang 2021-2025; dôm nơ̆r apĭnh ƀơm truh pơ lei tơm Thủ Đức nhen găh trong jang tơ gŭm hơ drô̆, ming man anih jang kăl hăm pơ lei tơm Thủ Đức; rim nơ̆r apĭnh ƀơm truh tơ drong jang vei lăng anih kơ drơ̆m kơ pơ lei tơm Hồ Chí Minh.

Thuem: Tơ blơ̆