VOV4.Bahnar - Kơsơ̆ năr 1/12, Thủ tướng Phạm Minh Chính pơm tơm jơ bơ̆ jang trư̆k tuyên ƀar păh Khŭl kơdră chĕp pơgơ̆r Tĕh đak hăm Kơdră chĕp pơgơ̆r pơlei tơm Đà Nẵng găh tơdrong atŏk tơ iung mŭk drăm-tơpôl.

Thủ tướng Phạm Minh Chính bơ jang hăm Kơdră pơlei tơm Đà Nẵng

Thủ tướng Tĕh đak Phạm Minh Chính hôn bơnê dôm tơdrong hơdrin đơ̆ng rim Kơdră chĕp pơgơ̆r, rim hơnĭh đảng, kơdră tơring, khul ƀô̆ đô̆i kong ang păng kon pơlei Đà Nẵng lơ̆m bơ̆ jang tang găn jĭ hơbŭh Covid-19 păng atŏk tơ iung mŭk drăm-tơpôl lơ̆m khei năr au ki. ‘Ngoăih kơ ‘nŏh, Thủ tướng hlôi pơma tơbăt hơdăh dôm tơdrong jang tim mă ‘lơ̆ng lơ̆m tơdrong jang muk drăm, atŏk tơ iung mŭk drăm tim mă tơgăl hăm tơdrong đei păng tơdrong lăng ba đơ̆ng Đảng, Tĕh đak. Lơ̆m khei năr kơnh, Thu tướng athei pơlei tơm Đà Nẵng kăl jang kiơ̆ kơ jăp hlŏh dơ̆ng jơhngơ̆m đon tơgoăt tơgoăl, hơdrin, pơjing đơ̆ng ư̆h kơ đei jing đei, pơjing tơdrong tơnap tap jing tơdrong ƀônh, tơplĭh ‘nao tơchăr, hơmet pơ ‘lơ̆ng tơnap tap vă atŏk tơ iung. Adoi athei rim Hơnĭh tơm, hơnĭh bơ̆ jang găh tơdrong jang kơ dĭh akŏm hơmet pơ ‘lơ̆ng tơhlăk tơhlĭn pơjing rơvơn ăn Đà Nẵng atŏk tơ iung.

Tơblơ̆ nơ̆r: Amazưt