VOV4.Bahnar - Pơ gê 26/8, Thủ tướng Phạm Minh Chính truh hơ len năng dôm anih ăn oei hơ drô tơ̆ xăh phương ‘măn ăn F0 păng F1 tơ̆ Thủ Đức, plt HCM. Thủ tướng truh hơ pong tơ̆ anih vei lăng sơ đơ̆ng tơ drong arih xa tơ pôl pơm tơ̆ Hnam hŏk hôp phương Cát Lái.

Kiơ̆ ƀok Nguyễn Minh Điền Bí thư phường Cát Lái, Phường đei 47 kueng kơ phô̆, hlŏh 6000 unh hnam. Ăn hlŏh 400 ‘nu bơ ngai truh pơ vih vei lăng măh mai tơ mam yoa kăl, pơm ‘lơ̆ng ăn tơ drong năm kơ chơ đơ̆ng rim unh hnam. Dôm unh hnam vă jê̆ tơ nuh hlôi đei tơ gŭm 3 ‘măng, 1 ‘măng 1,5 triu. Dang ei phương oei đei 2 tơ ring đei jĭ.

Đơ̆ng rŏng mơ̆ng nơ̆r tơ roi tơ̆ phường Cát Lái, Thủ tướng athei tơ̆ hơ năp kơnh plt jang kiơ̆ ‘lơ̆ng tơ drong pơ vang găn lơ̆m tơ pôl vă set hơ len, tơ chă bơ ngai F0, hơ dai hăm ‘nŏh athei pơm ‘lơ̆ng ăn tơ drong arih xa tơ pôl. Kon pơ lei athei đei khăm hơ met jĭ hrôih hlŏh.

Thủ tướng pơ ma hơ dăh, athei pơ jing hloi anih pơ gơ̆r jang, hnam pơ gang chă hơ met jĭ, ưh lăp hơ drô̆ jĭ covid đĕch mă lơ tơ drong jĭ nai hai. Thủ tướng hlôi hơ len năng kơ dŭng tơ mam đei bơ̆n tơ mam xa, pơ gang vă ƀơk ăn kon pơ lei 3 năr 1 ‘măng. Thủ tướng athei phường hơ met ăn kon pơ lei ưh lăp 1 giĕng đĕch mă đunh hlŏh kơ ‘nŏh dơ̆ng vă vei lăng ‘lơ̆ng, măh mai tơ mam yoa kăl mưh pơ vang găn.

Dơ̆ng: Tơ blơ̆