VOV4.Bahnar - ‘Năr dơ̆ng hei kiơ̆ jơ Việt Nam (22/11), Thủ tướng Phạm Minh Chính kŭm hăm khul tang măt ăn tĕh đak bơ̆n năm hơ pong tơ̆ Nhật Bản kiơ̆ nơ̆r krao đơ̆ng Thủ tướng Nhật Bản Kishida Fumio. 

Thủ tướng Phạm Minh Chính hăm Thủ tướng Nhật Bản Kishida Fumio

‘Măng năm hơ pong tơ̆ Nhật Bản mă blŭng đơ̆ng Thủ tướng Phạm Minh Chính đei ƀât mă tơ drong pơ vei đơ̆ng 2 tĕh đak oei mât lơ̆m khei ‘năr ‘lơ̆ng hlŏh lơ̆m jơ hnơr arih iŏk đơ̆ng pơ jing tơ drong pơ vei, jang tơ bôl, 2 păh tôch lui băl. ‘Măng hơ pong jĭ hơ yak pơih pơ jing trong jang tơ bôl đơ̆ng kơ dih, tôch kơ chăng yoa tơ drong rơ ngei, boăl juăt, jang hơ doi păng jang tŏk hlôi đei chih hơ dăh tơ̆ Hop akŏm Đảng lơ̆m tĕh đak ‘măng mă XIII.

Việt Nam ling lang jĭ boăl juăt, jang hơ doi ‘lơ̆ng hơ iă, lui băl hăm tĕh đak Nhật Bản păng tơ gŭm ăn Nhật Bản tưk tơ iung hơ năp jang tôch tơ găl tơ̆ tơ ring păng lơ̆m apŭng plenh tĕh, kŭm hăm Nhật Bản tơ gop ăn tơ drong rơ ngei, sơ đơ̆ng, jang hơ doi păng jang tŏk lơ̆m tơ ring. Việt Nam ‘mĕh jang hơ doi hăm Nhật Bản pơih đei 1 khei ‘năr jang tŏk ‘nao, đei yoa hlŏh dơ̆ng lơ̆m rim tơ drong, mă loi găh mŭk drăm, vei sơ đơ̆ng tĕh đak, jang hơ doi tơ̆ tơ ring, pơ gơ̆r ăn kon pơ lei tơ ƀâp băl, hơ met kơ jăp tơ drong pơ vei.

Dơ̆ng: Tơ blơ̆