VOV4.Bahnar - Pơ gê 23/9, Thủ tướng Phạm Minh Chính pơ gơ̆r hop akŏm Anih pơ gơ̆r jang vă hơ len năng tơ drong jang tang găn jĭ khei ‘năr âu ki, mă loi jĭ trong “oei xa hơ dai sơ đơ̆ng, vei lăng jĭ COVID-19” tơ̆ hơ năp kơnh. Pơ ma lơ̆m hop akŏm, Thủ tướng athei, tơ chĕng hơ len trong oei xa hơ dai sơ đơ̆ng ‘lơ̆ng, đei yoa. Tơ gop nơ̆r ăn dôm trong jang ‘nŏh jĭ tơ drong tôch gĭt kăl ưh gơ̆h hiơ̆ hyĭn yoa ưh đei jơ năr lơ, athei jang mă tơ năp lơ tơ drong jang.

Thủ tướng pơ ma hơ dăh, brei drou, tơ̆ 1,2 tơ ring, gơ măng trung thu, kon pơ lei lĕch tơ̆ trong tôch lơ, tôch hơ mơt tơ pŏh jĭ. Athei chih răk tơ drong ‘nâu. Kiơ̆ nơ̆r tơ roi đơ̆ng Anih pơ gơ̆r jang kơ tĕh đak găh tang găn jĭ covid-19, lơ̆m tĕh đak tơ drong jĭ oei đei vei lăng kơ jăp păng roi đei lơ tơ drong ‘lơ̆ng; lơ̆m 2 giĕng âu ki, kơ sô̆ bơ ngai jĭ lơ̆m tơ pôl păng lôch jur hơ nơ̆ng. Dang ei, kơ sô̆ vắc xin hlôi đei klăih song băl hlŏh 50,2 triu kơ liêu păng hlôi ƀet đei hlŏh 35,1 triu kơ liêu.   

Dơ̆ng: Tơ blơ̆