VOV4.Bahnar - Kiơ̆ athei đơ̆ng păh Chile, Thủ tướng teh đak Phạm Minh Chính hlôi đei ‘măng pơ ma điên thoăi hăm Kơ dră tơm teh đak Cộng hòa Chile vă pơ ma dơ nuh găh tơ drong pơ vei Việt Nam - Chile kŭm nhen jang hơ dai đơ̆ng 2 teh đak tơ jră hăm tơ plih tŏ ‘mi kial, tơ gop lơ̆m jơ nei kơ hop akŏm tih kơ Liên hợp quốc găh tơ plih tŏ ‘mi kial ‘măng mă 26 (COP26) vă jê̆ truh. Tơ̆ ‘măng pơ ma điên thoăi, ƀar kơ dră chĕp kơ̆l lăng ‘lơ̆ng tơ drong hơ tŏk tơ iung ‘lơ̆ng đơ̆ng tơ drong vei lăng 2 pang, mă loi ‘noh jĭ tơ drong jên mơ dro sa 2 păh lơ̆m 9 khei blŭng sơ năm 2021 đei 1,47 ti USD, tŏk 59% pơ têng hăm khei ‘nâu sơ năm sơ̆.

Ƀar păh drơ̆ng nơ̆r 1,2 trong jang hơ tŏk loi dơ̆ng tơ drong pơ vei jang hơ dai tôm tơ drong đơ̆ng 2 teh đak tơ̆ hơ năp kơnh. Ƀar păh drơ̆ng 1 nơ̆r pơ vei jang hơ dai kơ jăp păng tơ gŭm băl tơ̆ rim khŭl jang apŭng plĕnh teh păng hop akŏm lơ pang, tơ gop hơ tŏk loi dơ̆ng tơ drong pơ vei đơ̆ng ASEAN păng Jơ nŭm Thái Bình Dương, tơ gop lơ̆m rơ ngei, sơ đơ̆ng, jang hơ dai păng hơ tŏk tơ iung tơ̆ 2 tơ ring.

Thuem: Tơ blơ̆