VOV4.Bahnar - Thủ tướng Phạm Minh Chính ‘nao pơ ma điên thoăi hăm Thủ tướng Cộng hòa Séc Andrej Babis pơ ma găh tơ drong pơ vei 2 pang, ‘măn lơ jơ pơ ma găh dôm trong jang hơ doi vă tang găn jĭ COVID-19. Thủ tướng Phạm Minh Chính bơ nê kơ Thủ tướng Andrej Babis păng Khul kơ dră tĕh đak Séc hơ păh ăn Việt Nam 250.000 kơ liêu vaccine tang găn jĭ COVID-19, pơ ma hơ dăh ‘nâu jĭ tơ drong tơ gŭm tôch tơ tom, kăp gĭt, tơ ƀôh hơ dăh tơ drong pơ vei ‘lơ̆ng hơ iă đơ̆ng sơ̆ kơ 2 tĕh đak.

Thủ tướng athei Khul kơ dră tĕh đak Séc tĕch ăn Việt Nam kơ sô̆ vaccine mă Séc tam mă iŏk yoa, tơ gŭm ăn Việt Nam chă răt iŏk pơ gang vaccine đơ̆ng lơ anih, răt iŏk hrôih hlŏh; kŭm nhen tơ gŭm tơ mam, pơ gang vă tang găn, hơ met jĭ. 2 Thủ tướng pơ ma găh lơ trong jang vă tưk tơ iung tơ drong pơ vei ‘lơ̆ng hơ iă đơ̆ng sơ̆ păng jang hơ doi lơ tơ drong đơ̆ng Việt Nam – Séc tŏk kơ jung hlŏh dơ̆ng, đei yoa hlŏh dơ̆ng lơ̆m khei ‘năr truh.

Dơ̆ng: Tơ blơ̆