VOV4.Bahnar - ‘Măng hop akŏm Khŭl kơdră khei 10/2021 pơgơ̆r lơ̆m khei ‘năr tĕh đak bơ̆n đơ̆ng rŏng jơ ‘năr jĭ hơbŭh Covid-19 pơrăm kơtang ‘măng mă 4, trŭh dang ei, tơdrong jĭ hơbuh hlôi đei tang găn kĕ ƀiơ̆. Tơdrong jang mŭk drăm-tơpôl khei 10 đei lơ tơdrong tơplĭh hơ iă, mŭk drăm đei hơmet pơ ‘lơ̆ng dơ̆ng kơ yuơ hlôi tơplĭh trong jang akŏm lơ̆m pơtrŭh ăn rim tơring lơ̆m tơlĕch rim trong jang pơgang kiơ̆ trong erĭh sa lăp hăm sơđơ̆ng, ‘lơ̆ng hơ iă, tang găn jơnei jĭ hơbŭh Covid-19. Iung pơma pơtôch hop akŏm, Thủ tướng Phạm Minh Chính athei jang kiơ̆ erĭh sa lăp hăm sơđơ̆ng, ‘lơ̆ng hơ iă, tang găn kĕ jĭ hơbŭh Covid-19 kiơ̆ trong vei lăng tơdrong đei răm păng atŏk kơtang hơmet pơ ‘lơ̆ng mŭk drăm, sơđơ̆ng tơdrong erĭh sa tơpôl. Tơ̆ hơnăp tơdrong long đơ̆ng jĭ hơbŭh, Thủ tướng akhan, kăl atŏk kơtang ƀet vaccine, sơđơ̆ng dơ̆ng kơ jăp, jơnei, khoa hŏk, ư̆h kơ drơ̆ng drơ̆t, mă kăl akŏm lơ̆m rim tơring kăl nhen rim dêh char Tây Nam Bộ.

Tơblơ̆ nơ̆r: Amazưt