VOV4.Bahnar – Năr 5/5, tơ̆ Hà Nội, Thủ tướng Phạm Minh Chính hlôi pơgơ̆r tơdrong hop akŏm Khul kơpal teh đak kiơ̆ pơkăp ăh khei 4/2021. 'Nâu jing 'măng hop akŏm juăt jue mă blŭng kơ Khul kơpal teh đak vă keh đang bơngai jang. Tơ̆ hop akŏm Khul kơpal teh đak kiơ̆ pơkăp khei 4/2021, Khul kơpal teh đak akŏm pơma đam găh 8 tơdrong, đei hloi minh ƀar tơdrong gĭt kăl rơvưh âu lơ̆m tơdrong jang tang găn păng tơjră pơrang jĭ COVID-19 ƀơ̆t pơrang jhĭ roi năr roi hơbuh hli, tơnap kơ hơlen băt, lơ tơring đei lơ bơngai ƀơm jĭ lơ̆m tơpôl. Atŭm hăm noh, Khul kơpal teh đak pơma đam găh tơdrong hơmet pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl đơ̆ng xơnăm 2021-2026, vei xơđơ̆ng pơgơ̆r keh kong tơdrong jang chĭnh trĭ kăp gĭt đei pơgơ̆r lơ̆m khei âu. Duh tơ̆ 'măng hop akŏm, Khul kơpal teh đak gô tơmơ̆ng păng pơma đam găh tơdrong jang mŭk drăm – tơpôl ăh khei 4, 4 khei blŭng xơnăm 2021 păng minh ƀar tơdrong kăp gĭt nai.

Lan chih păng pơre nơ̆r