VOV4.Bahnar - Tơ̆ tơbăt nơ̆r pơma pơtôch đơ̆ng Thủ tướng tĕh đak Phạm Minh Chính tơ̆ jơ tơ ƀơ̆p hăm rim bơngai jang khoa hŏk, rim hơnĭh jang chă tơchĕng, pơm tơlĕch vaccine tang găn Covid-19, Thủ tướng athei akŏm hơmet tơtom tơnap tap, tơhlăk tơhlĭn găh trong bơ̆ jang ‘moi kiơ̆  yan au, pơjing rơvơn ăn tơdrong chă tơchĕng, pơjao pơtho tơbăt bơ̆ jang kmăi kmŏk păng pơm tơlĕch vaccine. Thủ tướng Phạm Minh Chính athei kăl drơ̆ng mĭnh nơ̆r găh vaccine ‘lơ̆ng, sĭt lơ̆m tang găn hơlau păng tơ jră tang găn pơrang jĭ pơma atŭm păng lơ̆m tang găn jĭ Covid-19 pơma hơdrô̆, adoi kăl lơ̆m găh trong jang tơm chă tơchĕng, pơjao pơtho tơbăt bơ̆ jang kmăi kmŏk, pơm tơlĕch vaccine vă mĭnh păh jang ‘lơ̆ng tang găn jĭ adoi pơkom ƀiơ̆ kon jên bơ̆ jang kơ tĕh đak lơ̆m ƀơ̆t măt păng đunh đai. Găh trong jang lơ̆m khei năr kơnh, Thủ tướng athei kăl pơjing Trong jang tơm, Tơdrong jang tĕh đak, Trong pơ prŏ ŭnh hnam đunh đai tai sơnăm, keh kong vă tơchĕng pơm tơlĕch, pơjao pơtho tơbăt jang kmăi kmŏk vaccine, mă kăl ‘noh vaccine tang găn jĭ Covid-19.

Tơblơ̆ nơ̆r: Amazưt